2 Minwiinzannu 1:2 - Kazambale lé Sebe Sauunu 1979

² Akazia a ’élé kɔn nwiin kɔn gi Samari yé é dia fɛnɛti ta, yé é gyɛ kɛlɛ. É munu nwunvɔ yé é lé wo lɛ léé: ’Ka go, ’ka we laa Ékrɔn lé bale Baal‐Zébub lee, a gi dɔɔle we gi léé, dé an dan nwa lɛ gyɛ ’ko gii?

2 Minwiinzannu 1:2 ပူးပေါင်းရင်းမြစ်များ

1 Minwiinzannu 11:33

Wo si an va yé wo yia ’wo bli la Sidɔn munu lé baleda Asataté koo, Moab lé bale Kémɔs koo, Amɔn munu lé bale Milkɔm koo, wo ’lɛ, yé wo ’ka tawo lɛ anlé zinu ta, we lé ke é drɔle an yuɛ gi, a kɛlɛle we gi lo, yé wo ’ka anlé bélidɔwenu valé an déretawenu kɛlɛ lɛ, Salomɔn ti David a kɛlɛ fɛan zo, a zo lo, amalé maa dan we ’ko kɛlɛ lɛ.

1 Minwiinzannu 14:3

Buru vu koo, gatonu koo, zɔrɔnyɔnɔ kuo do koo, ’i goan i lee yé ’i go a va; we lé é dan kɛlɛ lɛ né lɛ, é dan a fe lɛ i lɛ.

1 Minwiinzannu 22:34

Yé mi do élé sa vuli é pla yé é Izraɛl nwiinzan blɛn gyɛ élé gɔlɛtayɔɔfɛ vɔna é ke ’léé na. Minwiinzan blɛn lé élé gorovɔzan lɛ léé: ’I nɔla; ’i an si guli danna na; an tuo.

1 Minwiinzannu 22:40

Akab yi gyɛ é tranu va. A be Akazia pla munu nwiin a pa gi.

2 Minwiinzannu 1:16

É lé ’bɛ lɛ léé: Gakelebale léma: I munu nwunvɔ we laale Ékrɔn lé bale Baal‐Zébub lee we gi, bélé fɛan zo lé Bale lé wo bɔa we laale lɛ a lee é ’ka Izraɛl tɛrɛ la lo, a zo, amalé yialafɛ lé i vɔ a ta bɛ, i ’ka dan zun lɛ a ta lo, naa, i dan ga lɛ.

2 Minwiinzannu 1:3

Naa, Gakelebale lé lanje lé Tisibi mi Éli lɛ léé: ’I nwa, ’ka go kee Samari minwiinzan lé nwunvɔzannu nya yé bé fe wo lɛ léé: Bale ’ka Izraɛl tɛrɛ la lo, bɛwemalé ka go we laa lɛ Ékrɔn lé bale Baal‐Zébub lee?

2 Minwiinzannu 1:6

Wa zi pa a lɛ léé: Mi do da ko ’lɛ yé é lé ko lɛ léé: ’Ka nɔla, ’ka go minwiinzan lé é ka pa zia, a va, yé ’ka fe a lɛ léma: Gakelebale léma: Bale ’ka Izraɛl lo, amalé i munu nwunvɔ we laana Ékrɔn lé bale Baal‐Zébub lee? Bɛwemalé yialafɛ lé i vɔ a ta bɛ, i ’ka dan zun lɛ a ta lo, naa, i dan ga lɛ.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

JOB (Job) 31:3

Mi nyanéan a guru éé zanaan a gi loo? Munu lé woo weple kɛla, wo ma‐an we tɔntɔn éé bɔa loo?

Wegɔné Ma Lɛrɛ 2:9

An sɔlɛzan a bélé gan zo, É a bélé vɔlɛ boroné zo. Yee lé bɛ, é a kolé gɔrɔ zi, É a naginina fɛnɛti ta, É a naginina foliɛwɔlɛ fɛnɛti ta.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Ézai 37:12

Bɛnnu lé an tinu wo guru zana a gi, Gozan koo, Karan koo, Rɛsɛf koo, Édɛn benu lé ke Télasaa koo, wolé balenu wo si we gii?

Ézai 37:19

yé wo wolé balenu vuli kyɛ va; naa, wo ’ka balenu nya lo, mi bɛ panyanama lé wa kɛlɛ yili valé gɔlɛ nya, yee lé ke wo nya; yé wo wo kɛlɛ é boa.

Matio 10:25

We lé wa kɛlɛ wepaamigizan lɛ, é a é zima léé, ’é bɔ a va wedraanzan ma é ziin, yé we lé wa kɛlɛ mizan lɛ, é a é zima léé, ’é bɔ a wuozan ma é ziin. Dé wo kɔnzan tɔ pa Béɛlzébul, wo ’ka dan alé kɔngimunu tɔ pa lɛ a zo loo?

Maak 3:22

Yé sɛbɛgifemunu lé wo si Jérusalɛm, wo léma: Béɛlzébul a a gi; yonufaatagɔné lé plɛplɛ nya lé éé yonu sié munu gi.

WENÉNÉ LÉ LUK A GYE (Évangile selon Luc) 11:15

Naa, mi kenu léé: Yonufaatagɔné Béɛlzébul lé plɛplɛ nya lé éé yonu sié munu gi.

Kelewenu 20:9

Pɛniɛ lé wa laama Yutikus é a é nyanale taasi yaazan lé fɛnɛti ta; dé Pɔl a mɔnna wefena gɔnézan ’ko yi gyɛ fɔɔ yé é vo tɔɔtɔɔ yé é si taasi yaazan lé fɛnɛti ta yé é dia. Wo kun a ma bléyian va, ’té é a é gale.

Jozué 15:11

É go gole nya Ékrɔn san gi yirinwana bɛbolazia, yé é soi Sikrɔn vazia, é Baala gɔ kini yé é go fɔɔ yé é bɔ Jabanél, yé é nyaa wɛyi ma.

Weblezannu 11:24

Fɛ lé izé bale Kémɔs a nɔ i lɛ izé nya, é ’ka dan kɛlɛ lɛ izé nya loo? Yé fɛ faa lé Gakelebale, kozé Bale a nɔ ko lɛ, é ’ka dan kɛlɛ lɛ kozé nya loo?

Weblezannu 5:28

Sizéra bu a nagini fɛnɛti ta, É a nagini foliɛwɔlɛ fɛnɛti ta, yé é siaa léé: Mɛmalé alé goro mɔn ziaa? Mɛmalé alé goronu a tawona wɔɔ?

1 Samuɛl 5:10

Yé wo Bale lé kɛsu pa zia Ékrɔn. Bale lé kɛsu bɔra Ékrɔn tɔɔn, Ékrɔn munu siaa léé: Wo da Izraɛl lé Bale lé kɛsu nya ko va, ko valé kolé munu gyɛle we gi.