2 Korɛnt Munu 8:3 - Kazambale lé Sebe Sauunu 1979

³ Maa wo mawe zin fe ka lɛ léé, wo fɛ nɔ wolé fɛyebɛ yɛrama bli drɔɔ nya yé wa taa pa é ziin,

2 Korɛnt Munu 8:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:9

Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Fwile 35:29

Nyanama lé Gakelebale munu bɔɔ pa a ma Moizi lɔlu nya, Izraɛl lé munu faa lé é ke wo bli gi léé, ’wo nyanama ’ko paan, gɔnénu valé lomu, wo da blan nya Gakelebale lɛ wobo lé blibɔmale nya.

Fwile 35:5

’Ka ka leefɛ ke si Gakelebale blan nya. Munu faa lé bli zin ke wo gi, wo dan da lɛ Gakelebale blan nya; kyan valé gɔɔlifu valé zéné koo,

Maak 14:8

We lé é bɔa a kɛlɛle lɛ, yee lé é a kɛlɛ. An gale plaale we ma lé é a zén an ta bɛ. É a kɛlɛ an pale we ma a bléyi ’lɛ.

Kelewenu 11:29

Zuomunu ’wo dére pa do léé, fɛ lé mi do éé bɔa a yele lɛ, ’wa pa bwenu lé wo ke Judé tɛrɛ la, wo lɛ zia, bɔ wo va fɛnu nya.

Rom munu 10:2

Maa lé wo ma léé, wo fuu a wo ta Kazambale zuo tawole ma, naa, é ’ka wedɔɔle yɛrama lo.

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

1 Korent munu 9:17

Dé é kɛlɛ léé, maa a kɛla anbozen lé blibɔmawe yɛrama, ’té maa a ma gooli sié; naa, dé maa ’ka a kɛla anbozen lé blibɔmawe yɛrama lo, ’té nyanama lé Bale a bɛ pa an lee, ’té yee lé.

Galasi munu 4:15

Ka gi nanale lé é ke é kyɛn, é a sin kyɛɛn? Maa ka ze vɔ léé, dé é vo lé wo vo wo yuɛ sona a gi, ’té ka ka yuɛ so ’bɛ bléyi va, yé ka a nɔ an lɛ.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Kolɔs munu 4:13

Maa a ma we fé léé, ka lé gibɔrɔ a a ma blɛn. Laodisé Krétiɛnnu valé Iérapolis Krétiɛnnu koo é ziin, wolé gibɔrɔ a a ma blɛn.

1 Tɛsalɔnik munu 2:8

Ka wea ko lee é baba, amalé é ’ka sɔ lɛ ko lɛ léé, ko Kazambale lé Wenéné saa nɔ ka lɛ lo, é a lé ko kobozen nɔ ka lɛ ’bɛ ta loru.

Filémɔn 1:14

Naa, é ’ka sɔ lɛ an lɛ léé, an we do kpen kɛlɛ i ma trɔnné va duowo lo, té ilé wezin kɛlɛle é kɛlɛ glawe nya lo we gi; naa, é sɔ an lɛ léé, we ’ko é si ibozen va.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;