2 Korɛnt Munu 7:4 - Kazambale lé Sebe Sauunu 1979

⁴ An bli a ka lɛ é baba; maa anbo ze vɔa ka tɔ gi bɛ faa ma, ka an tɔrɔ paa é baba, dé ko a nyané kiɛre blenaoo, an gi a é nanale, é gié é glɛ la.

2 Korɛnt Munu 7:4 ပူးပေါင်းရင်းမြစ်များ

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Rom munu 5:3

Yé ’bɛ ta loru, ko gi a nanana kolé kleblelenu gi, naa, ko gi dɔɔ léé, kleblele éé dan yara pale we la nya,

1 Korent munu 1:4

Maa anlé Bale bɔ vɔa bléyi faa ma kalé we ma; zin lé é a kɛlɛ ka lɛ Jézu Krist gi bɛ, alé we ma.

2 Korɛnt Munu 1:14

Bléyi ’ko va ka ko dɔɔ sɛ, naa, an bli a a lɛ léé, ka dan a gi dɔɔ lɛ tegele léé, Kaazan Jézu Krist lé yi la, ka dan kɛlɛ lɛ ko tɔzinfémazannu nya fɛan zo, a zo duo lé ko dan kɛlɛ lɛ ka tɔzinfémazannu nya.

2 Korɛnt Munu 1:4

We tɔntɔn faa lé woo bɔa ko ma, éé ko tɔrɔ paan wo ma, léé, dé we tɔntɔn bɔ mi bɛnu ma, yé ko bɔalɛ léé, ko wo tɔrɔ paa, bélé Kazambale ko tɔrɔ paa fɛan zo, a zo.

2 Korɛnt Munu 10:8

Mizan a se kɛlɛ an lɛ, anlé ka dɔle gligli we gi, ka tuawe kaan lo. Dé maa anbo ze vɔ ’bɛ we ma yé é gié é glɛ la, yara ’ka an gya lo.

2 Korɛnt Munu 11:21

Yé ka léé, ko a sɔsɔ. Eɛ, weboen lé. Yara a an gyɛna. Naa, dé é dɔ mi bɛnu gi léé, woo bli ta dɔa plɛplɛ yé wo ’wobo ze vɔ wean ma, ’té maa é ziin, an bli ta dɔa plɛplɛ. Maa a wefena tavozan zo.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 3:12

Ko bli a ’bɛ zo we lɛ, amalé ko we fé ko fuu nya ko ta,

2 Korɛnt Munu 7:14

Dé maa anbo ze vɔ sɛ ka tɔ gi Tite yuɛ va, yara ’ka an gyɛ lɛ ’bɛ we ma lo; naa, fɛan zo lé we faa lé ko a fe ka lɛ é a weboen nya, a zo duo lé, ka ma we lé ko fe Tite lɛ kobo ze vɔle nya, ’bɛ é ziin, Tite ’bɛ ye webozen nya.

2 Korɛnt Munu 8:24

Amalé ’ka a gɔɔn léglizigimunu lɛ léé, bwenu ’ko, wo sɔ ka lɛ, yé té kobo ze vɔle ka tɔ gi é kɛlɛ boawe nya lo ma.

Filip munu 1:14

Yé bwenu va mi kiɛre fuu dɔ wo ta Mizan gi yé wo bli ta dɔ plɛplɛ é baba anlé gɔgɔbale lé we ma, ’té woo Bale dére fé, ’té kana ’ka wo gi lo.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Filip munu 1:26

’Bɛ zo lé, dé an go ka va é ziin, yé ka dan kabo zevɔmawe ye lɛ é ziin anlé we ma, Jézu Krist zama.

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

1 Tɛsalɔnik munu 2:19

Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo?

1 Tɛsalɔnik munu 2:2

Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre.

2 Tɛsalɔnik munu 1:4

É ziin, ko kobo ze vɔa ka tɔ gi Kazambale lé léglizigimunu va wean ma, yee lé é ke ’ko: ka yara a é pale we ta yé ka bli a é pale, dɔlé ’té ka a nyané valé kle blena.

Filémɔn 1:7

Ilé munu lɔrɔpale an gi nana é baba yé é an tɔrɔ paa webozen nya. Yé an bwe, ilé we ma lé Kazambale lé munu bli dɔrala.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.