2 Korɛnt Munu 7:2 - Kazambale lé Sebe Sauunu 1979

² ’Ka nyanana nɔ ko lɛ ka bli gi. Ko ’ka wenyané kɛlɛ lɛ mi do lɛ lo; ko ’ka mi do lé we sɛrɛ lɛ lo; ko ’ka mi table lɛ lo.

2 Korɛnt Munu 7:2 ပူးပေါင်းရင်းမြစ်များ

Mi Nɔnɔle 16:15

Moizi bli fli é baba, yé é lé Gakelebale lɛ léé: Dé wo i ban fɛan nya, té bé si lo. Maa ’ka fɛ do boen si lɛ wo lee lo, dé é a sokofale do nyaoo, maa ’ka a do kpen si lɛ wo lee lo, yé an ’ka wenaané kɛlɛ lɛ wo va mi do lɛ lo, azama.

Matio 10:14

Dé wo ’ka ka bɛn si lɛ lo, dé wo ’ka ’wo tɔné dɔ lɛ ka dérenu lɛ lo, dé é a kɔn‐an nyaoo, dé é a fla‐an nyaoo, ’ka si ana wolé fɛna vungoi puole nya ka gane ma.

Matio 10:40

Mian éé ka sié, éé mabozen sié é ziin, yé mian éé maa sié, mi lé é an pa zia, éé ’bɛzan sié é ziin.

WENÉNÉ LÉ LUK A GYE (Évangile selon Luc) 10:8

Dé ka bɔra flaofla‐an ta yé wo ka bɛn si, fɛ lé wa nɔ ka lɛ, ’ka ble,

Kelewenu 20:33

An bli ’ka bɔ lɛ mi lé gɔɔli koo, alé kyan koo, alé sɔnu koo, wo do ma lo.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 11:16

Maa lé é ziin léé, té mi do kpen an ye tavozan nya lo. Eɛ, dé ka an ye tavozan nya, ’ka ’wuo dɔ an wuo bélé tavozan zo yé maa é ziin maa anbo ze vɔ sɛ.

2 Korɛnt Munu 11:9

naa, bwenu lé wo si Masédɔane, fɛnu lé an mawe ke wo gi, wa nɔ an lɛ. Maa ’ka a nyi si lɛ léé, an kɛlɛ kɔné nya mi do kpen nwiin lo, yé maa ’ka dan a nyi si lɛ monomono lo.

2 Korɛnt Munu 4:2

Yaragyɛwenu lé wo ’bɛnu kɛla kyeen gi, ko sɔn vɔa ’bɛnu ma. Ko giébɛ ’ka gi kinile yɛrama lo, yé ko ’ka we ke sié Kazambale Dére va lo. Naa, ko webozen fé, amalé ko kobo ma we zin fé munu faa lé wevasibli lɛ, Kazambale yuɛ va.

Filip munu 2:29

’Ka a si kalé bɛn nya Mizan gi, gi nanale bozen nya, yé ’ka ’bɛ zo munu lɛdɔma.

Kolɔs munu 4:10

Arisaak lé é ke bokɔn gi an va, é we ka va, é valé Banabas buru be Maak nya. Maa alé we fe ka lɛ, dé é go ka va, ’ka a kun é zima.

1 Tɛsalɔnik munu 2:10

Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin.

Filémɔn 1:12

Yee lé maa ke a pana i lɛ zia ’ko, dɔlé té a sile an ma a bélé an yuɛ sole é koro gi zo.

Filémɔn 1:17

Bɛwemalé, ilé zanté, dé i an ye i béé nya, bé si bélé maabozen zo.

2 Jan 1:10

Dé mian da ka va, we paa lɛ ka gi, yé é ’ka é dɔle wepaale ’ko ta lo, té ka a bɛn si lo, yé té ka we a va lo.