2 Korɛnt Munu 3:3 - Kazambale lé Sebe Sauunu 1979

³ ’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

2 Korɛnt Munu 3:3 ပူးပေါင်းရင်းမြစ်များ

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Lɛrɛvɔ Sɛbɛ 84:2

Lai sunyanu lé Gakelebale, I nyanananu a é zima ’lɛ.

Fwile 24:12

Gakelebale lé Moizi lɛ léé: ’I gɔ gié an vazia, yé ’i vo ’ko; maa dan gɔlɛfénnu nɔ lɛ i lɛ, bélidɔwenu valé an sɔnnénu lé maa wo gyɛ we paale wo gi we ma, wo nya.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 32:15

Moizi nɔla yé é gɔ zun wenaye gɔlɛfén fié nya é lee; sɛbɛ a é gyɛle gɔlɛfén fié san fiénu la; é a é gyɛle wo san do la, yé é a é gyɛle wo san koɛ la.

Fwile 34:1

Gakelebale lé Moizi lɛ léé: ’I gɔlɛ fié ma nyaa bélé a vininzannu zo, yé gɔlɛ vininnu lé bé ’wii bɛ, dérenu lé ke é gyɛle wo ta, maa dan yee duo gyɛ lɛ a koɛnu ta.

Wegɔnévɔlenu 3:3

Té wezin valé yarapale we ta é si i ma lo; ’i wo vɔ i bɔrɔ ma, ’i wo gyɛ i bli gi bélé sɛbɛ zo.

Wegɔnévɔlenu 7:3

’I wo yere i bɛnwɔlɛnu ma. ’I wo gyɛ i bli gi bélé sɛbɛ zo.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 17:1

Juda munu lé wenyané a é gyɛle foliɛwɔlɛ biki nya, diaman lé wa lɛ ma bo, a nya. É a é gyɛle wo bli ta, yee valé wolé balebannanu lé bélinu ma.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Ézékiɛl 11:19

Maa dan wo bli kɛlɛ lɛ do, yé maa dan bli dɛrɛ pa lɛ wo gi; maa dan gɔlɛbli si lɛ wo gi, yé maa dan bli zin pa lɛ wo gi,

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

1 Korent munu 3:5

Maa a laa ka lee. Apolɔs a mɛ fɛ nyaa? Yé Pɔl a mɛ fɛ nyaa? Ko a Kazambale wuomunu nya; kolé we ma lé ka bli vo Jézu lɛ. Nyanama lé Mizan a nɔ ko lɛ do do, ko pa.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

2 Korɛnt Munu 3:7

Bale va nyanama lé ke bélidɔwe nya, ’té é ke é gyɛle sɛbɛwɔlɛnu nya gɔlɛ ta bɛ, alé we pélisia fuasan nya, dɔlé ’té éé mi gya. Fuasan ’ko é Moizi yara bi fɔɔ yé Izraɛl munu ’ka bɔa a yara naginile lɛ lo, dɔlé ’té fuasan ’ko ’ka mɔnfɛ nya lo.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

Ébrunu 10:16

Mizambale léé: Gipawe lé maa dan a kɛlɛ lɛ wo va, yee lé é ke ’ko: Yi ’konu zuo Maa dan anlé bélidɔwenu pa lɛ wo bli gi, Yé maa dan wo pa lɛ wo ’wuo gi. ’Bɛ zuo é lé é ziin léé:

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

Wegɔɔnle 2:1

’I sɛbɛ pa Éfɛz léglizi lé lanje lɛ zia. ’Bé fe a lɛ léé: Mi lé monéné sɔrafié ke a bɛyi lee, ’té éé tawoo kyan fintran sɔrafié méléna, a dére lé é ke ’ko:

Wegɔɔnle 2:12

’I sɛbɛ pa Pɛɛgam léglizi lé lanje lɛ zia. ’Bé fe a lɛ léé: Mi lé gwɔun ’léé fié sorosoro ke a lee, a dére lé é ke ’ko:

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:22

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?