2 Korɛnt Munu 11:3 - Kazambale lé Sebe Sauunu 1979

³ Naa, fɛan zo lé méné Eve saan élé dabli kɛlɛle nya, an kana léé, dé ka ’wuo é da sɛrɛ yé ka ’ka Krist kunwo ka bɛ fié nya yé ka vo a va loo?

2 Korɛnt Munu 11:3 ပူးပေါင်းရင်းမြစ်များ

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

Galasi munu 1:6

Mian é ka laa Krist lé zin nya, an gi vuru ka diérale ’bɛzan zuo é kele we ma, ka gole wenéné bɛ zuo we ma.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Kolɔs munu 2:4

Maa a we ’ko fena léé, té mi do kpen é ka saan dabli dérenu nya lo we ma.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

1 Timoté 2:14

Yé wo ’ka dabli kɛlɛ lɛ Adam lɛ lo; le lɛ lé wo dabli kɛlɛ, yé a pagi kɛlɛ bélidɔwe sɛrɛle nya,

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Ébrunu 13:9

Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

Wepélisiananu 3:13

Yé Bale, Gakelebale lé lezan lɛ léé: Mɛmalé i ’bɛ kɛlɛɛ? Lezan ézé fe léé: Méné dabli kɛlɛ an lɛ yé maa a ble.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Galasi munu 3:1

Galasi munuoo, Galasi munu, ’tugyɛzannu! De ɛ ka gyɛ ’tu nyaa? Ka lé wo Jézu Krist bɔra ka yuɛ va é gyɛle yiliblan ta bɛ, de ɛ ka gyɛ ’tu nyaa?

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Wepélisiananu 3:4

Yé méné lé lezan lɛ léé: Ka ’ka dan ga lɛ lo;

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

2 Piɛri 3:17

An blibɔmazannu, maa we ’konu gɔɔn ka lɛ é vinin, amalé ’ka yuɛ pa kabozen va, dé Bale lé zi ma wenyané femunu sanle é da ka sia ana yé ka dɔle gligli yi é ga.

Galasi munu 4:11

Maa a kanana léé, Nyanama faa lé maa a pa kalé we ma bɛ, dé a tɔnɔ ’ka kɛla loo?

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

Éfez munu 6:24

Munu faa lé Kaazan Jézu Krist sɔ wo lɛ sɔlɛle bozen nya, Bale ’é zin kɛlɛ wo lɛ ma.

Galasi munu 2:4

naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma.

2 Korɛnt Munu 4:2

Yaragyɛwenu lé wo ’bɛnu kɛla kyeen gi, ko sɔn vɔa ’bɛnu ma. Ko giébɛ ’ka gi kinile yɛrama lo, yé ko ’ka we ke sié Kazambale Dére va lo. Naa, ko webozen fé, amalé ko kobo ma we zin fé munu faa lé wevasibli lɛ, Kazambale yuɛ va.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Tite 1:10

Tɔnégiplɛplɛzannu koo, weboa fezannu valé misaanmunu koo, wo ana kiɛre weboen nya; yé wa ganedɔmunu va di é minini.

1 Timoté 1:3

Dé maa a gona bléyian va Masédɔane, maa lé i lɛ léé, ’i vo Éfɛz, mi kenu béli dɔle we ma léé, té wo we bɛnu paa munu gi lo;

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

2 Korɛnt Munu 11:29

Mi kyɛn ɛ ke tɔɔtɔɔ yé maa ’ka tɔɔtɔɔ loo? De ɛ saan yé an bli ’ka nwa lɛ loo?

Rom munu 12:8

yé mi lé éé we plaan mi lɛ, ’é yara pa élé weplale ta ma. Mian éé fɛ no, ’é a nɔ bli drɔɔ nya ma; yé mian éé we yuɛ gi boo, ’é a kɛlɛ é fuu nya é ta ma; yé mi lé a nyanai éé zén‐é, ’é a kɛlɛ gi nanale nya ma.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.

Lɛrɛvɔ Sɛbɛ 119:53

Mi nyanénu lé woo daan ilé bélidɔwenu ta tawole ma, Dé maa wo ye an bli éé flian wo ma é baba.

Wepélisiananu 3:1

Méné gi kini é mini winu faa lé Bale, Gakelebale a kɛlɛ, wo ta. É lé lezan lɛ léé: Kazambale a fe weboen nya léé, té ka féiyili poro faa ble loo?

Wepélisiananu 3:20

Adam é na tɔ pa Eve; é a mi yuɛmale faa bu nya, azama.

2 Korɛnt Munu 11:20

Dé mi ka kɛlɛ ’é wuomunu nya, dé mi ka table, dé mi kalé fɛ kyeenwo, dé mi ébo kɛlɛ blɛn ka ma, dé mi ka blin gyɛ, ’té ka ’wuo a é dɔle ’bɛzan wuo ’kyɛ. Ka bɔ!

Éfez munu 4:22

Wa paa ka gi léé, blami dɔbɛ lé é ke kalé tɛrɛla kyɛn zé nya, ’té é vɔn blibɔmawe saanlenu ma bɛ, ’é si ka lee,

Wegɔɔnle 12:15

’Yi lé é ke bélé yuu zo, é bɔra méné ’léé, yé é a nwɛɛn lezan zuo, lezan ganale yuu nya we gi.