2 Jan 1:1 - Kazambale lé Sebe Sauunu 1979

¹ Lezan Kiria lé Bale a si a va, bii valé ilé nénu, an we ka va. Maa, léglizi gi mi segele, maa ɛ ke sɛbɛ ’ko pana ka lɛ zia. Ka sɔ an lɛ webozen nya, yé maa do lɛan ka sɔ lo; naa, munu lé wo webozen dɔɔ, ’bɛnu koo é ziin, ka sɔ ’bɛnu lɛ.

2 Jan 1:1 ပူးပေါင်းရင်းမြစ်များ

WENÉNÉ LÉ LUK A GYE (Évangile selon Luc) 1:3

Yé maa é ziin, an vo we ’konu faa gi kulina tirilii, é sia a pélisiana ma, amalé é dɔ an gi léé, é a é zima léé, maa wo zuo fe i lɛ sɛbɛ gi wo bɔbɛ yɛrama do do,

WENÉNÉ LE JAN A GYE (Évangile selon Jean) 8:32

yé ka dan webozen dɔɔ lɛ, yé webozen é dan ka kɛlɛ lɛ minénu nya.

Kelewenu 11:30

Yé wa kɛlɛ a zo, yé wa pa Banabas valé Sɔl lee yé ’bɛnu go a nya yé wa nɔ léglizi gi mi segelenu lɛ.

Rom munu 16:13

An we Rufus lé é ke Mizan lé mi vabole nya, é valé a bu lé é ke é ziin an bu nya, wo va.

Galasi munu 2:14

Maa a ye aan wo léé, wo giébɛ ’ka Wenéné bozen yɛrama lo, maa lé Piɛri lɛ wo faa yuɛ va léé: Biian, wo i yaa Juifi mi nya ’naan, dé i giébɛ valé bɛn bɛnu giébɛ a do, yé é ’ka Juifinu zé zo lo, é kɛlɛ kaa yé i bɛn bɛnu kɛla Juifinu nya gla nyaa?

Galasi munu 2:5

Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.

Galasi munu 3:1

Galasi munuoo, Galasi munu, ’tugyɛzannu! De ɛ ka gyɛ ’tu nyaa? Ka lé wo Jézu Krist bɔra ka yuɛ va é gyɛle yiliblan ta bɛ, de ɛ ka gyɛ ’tu nyaa?

Galasi munu 5:7

É kyɛn ka a vlan buruna é zima; de ɛ ka dɔ léé, té ka webozen lɛdɔma loo?

Kolɔs munu 1:5

Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

Ébrunu 10:26

Naa, dé kaa webozen dɔɔ faa yé ’bɛ zuo kaa wenyané kɛlɛ kaabo yuɛ va, ’té kaalé wenyané ma saraka ’ka lo,

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Piɛri 5:13

Munu lé Bale wo si a va, ’té wo ke léglizi nya Babilɔn, é valé an be Maak, wo we ka va.

1 Jan 2:21

É ’ka kɛlɛ lɛ léé, ka ’ka webozen dɔɔa lo, bɛwemalé an sɛbɛ gyɛ ka lɛ lo. Naa, ka webozen dɔɔ, ’bɛzama, yé vié do kpen ’ka sié webozen va lo.

1 Jan 3:18

Né kiénénu, té kaa mi lɔrɔ pa dérenu valé kaa nɛnɛ saa nya lo, naa, kaa mi lɔrɔ pa webozen valé we kɛlɛle nya ma.

2 Jan 1:13

I buru lé Bale a si a va, alé nénu we i va.

2 Jan 1:5

Yé sin, lezan Kiria, maa ’ka bélidɔwe dɛrɛ gyɛna i lɛ sɛbɛ ’ko gi lo; naa, bélidɔwe lé wa nɔ kaa lɛ a pélisia bléyi va, yee lé; maa lé i lɛ léé, é a lé kaa sɔ kaa ke lɛ.

3 Jan 1:1

An béé wezan Gaius lé i sɔ an lɛ webozen nya, an we i va. Maa, léglizi gi mi segele, maa ɛ ke sɛbɛ ’ko pana i lɛ zia.