2 Tɛsalɔnik munu 3:6 - Kazambale lé Sebe Sauunu 1979

⁶ Bwenu, ko we plaan ka lɛ Kaazan Jézu Krist tɔ nya léé, Krétiɛn faa lé wolé tawobɛ ke é vɔɔle, ’té wo ’ka tawoo kolé wepaale yɛrama lo, ’ka kini wo nya ékema.

2 Tɛsalɔnik munu 3:6 ပူးပေါင်းရင်းမြစ်များ

Matio 18:17

Dé é ’ka wo dére nyi si lɛ lo, bé fe léglizigimunu lɛ; dé é ’ka léglizigimunu dére nyi si lɛ lo, ’é kɛlɛ i yuɛ gi bélé yolémi valé vagɔɔlisizan zo ma.

Rom munu 16:17

An bwenu, maa we plaan ka lɛ léé, ’ka yuɛ pa kabozen va, munu lé woo munu kinié ékema, ’té woo wo diéraan bɛ, yé ’té woo sɔn vɔa wepaadére lé ka a nyi si, a ma bɛ, wolé we ma. ’Ka si wo ma baa.

1 Korent munu 11:2

An sele a ka gi yifaama, yé we faa lé maa a paa ka gi, ka a tawona wo ta ’kyɛ, amalé maa ka tɔ zin fé.

1 Korent munu 5:4

Ka valé an léli zén ékeva Mizan Jézu tɔ nya, ’té Kaazan Jézu lé plɛplɛ a kaa ta;

1 Korent munu 5:9

Maa a fe ka lɛ anlé sɛbɛ vininzan gi léé, té ka mane pɛnpɛnnégyɛzannu ma lo.

2 Korɛnt Munu 2:10

Naa, mian ka a ma we voo, maa é ziin, maa a ma we voo. Yé dé an mi ma we vo, maa kɛlɛ Krist pa gi, kalé we ma,

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 4:11

yé ka bli ’é bɔ we ’konu ma ma: ’ka vo drɔɔ, ’ka yara pa kabozen lé we ɛ ta, ’ka nyanama pa kabo bɛ nya, ko fe ka lɛ fɛan zo é kyɛn bɛ, a zo.

1 Tɛsalɔnik munu 5:14

Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.

2 Tɛsalɔnik munu 2:15

Bɛwemalé, bwenu, ’ka dɔ gligli, yé wenu lé ko a paa ka gi, dé é a ko fedére nyaoo, dé é a ko gyɛsɛbɛ nyaoo, ’ka kun wo ma.

2 Tɛsalɔnik munu 3:7

Fɛan zo lé é a lé ka kɛlɛ ko zuosonazannu nya, ka ’bɛ gi dɔɔ. Naa, ko ’ka we vɔɔle kɛlɛ lɛ ka va lo;

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

2 Jan 1:10

Dé mian da ka va, we paa lɛ ka gi, yé é ’ka é dɔle wepaale ’ko ta lo, té ka a bɛn si lo, yé té ka we a va lo.