2 Tɛsalɔnik munu 2:8 - Kazambale lé Sebe Sauunu 1979

⁸ ’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.

2 Tɛsalɔnik munu 2:8 ပူးပေါင်းရင်းမြစ်များ

2 Samuɛl 23:7

Mi lé é ke gona é bɛ mane lɛ wo ma, éé foliɛwɔlɛ sian, dé ’bɛ kaan lo éé bléin sian, Yé éé wo kyɛ blé fɛ duona.

JOB (Job) 4:9

Kazambale éé fu fɛɛan wo ta, yé woo zamaga woo, Alé bliflile éé zén‐é wo ma bélé fu ’lɛ plɛplɛ zo, yé éé wo nyaan.

Lɛrɛvɔ Sɛbɛ 18:15

É élé sawɔlɛnu vuli yé é an nyanézannu fwila, É zagele we kiɛre yé é wo bin.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Ézai 30:28

A fulu a bélé yuu blɛn lé é zana ’é gɔ la, a zo, yé é bɔ mi bɔrɔ ma. É dan bɛnnu va fɛɛ lɛ; alé bɛnnu va fɛɛle ɛ ke mi guru zanale a gi nya. Yé é dan wo drɔ lɛ, bélé woo wisoodrɔfɛ plaan é nɛnɛ la fɛan zo, a zo.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 7:26

’Bɛ zuo we ble bléyi é dan bɔ lɛ, yé wo dan alé plale mi nwiin si lɛ a lee, yé wa sɛrɛ tata, yé wa yi ga lɛɛfaama.

Daniɛl 8:25

A bɛ ma kɛlɛle néné valé alé dabli kɛlɛle nyian wole lé we ma, a bli é dan fan lɛ bo blɛn wenu nya, yé munu lé wo ke é nyanale drɔɔ, é dan wo kiɛre gyɛ lɛ za ma, yé é dan nwa lɛ minwiinzannu nwiinzan ma; naa, é dan ’wii lɛ, dɔlé ’té mi do ’ka we do kɛlɛ lɛ a lɛ lo.

OZÉ (Osée) 6:5

Bɛwemalé maa dan wo bla lɛ balelayezannu dére nya; an dan wo gyɛ lɛ an ’léé dére nya; an dan bi lɛ wo ma weblele nya bélé yirisan zo.

Matio 13:19

Dé mi do é tɔné dɔ Kazambale plale mi nwiin dére lɛ yé é ’ka a maan lo, Satan ɛ dan yé fɛ lé wa nwɛɛn a bli gi éé a sian; mi ’ko ɛ ke fɛana lé ’sawɔlɛ dia zi sɔnɔ bɛ, a nya.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

1 Korent munu 1:28

Fɛnu lé wo ke tadanmafɛnu nya tɛrɛlamunu yuɛ gi, ’té woo selele boo wo ma bɛ, ’té wo ’ka wo yé fɛ nya boenwo lo, Kazambale wo si a va, fɛnu lé wo ke ana, wo sile ana tata we gi,

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

1 Timoté 6:14

’i tawo Bale lé bélidɔwe ta tegele, té a do kpen é vuru i ma lo, yé ’i kɛlɛ a gi wéiin fɔɔ yé Kaazan Jézu Krist é da.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 10:27

naa, ’té weblele valé kyɛ plɛplɛ lé é dan tɔnégiplɛplɛzannu ble lɛ bɛ, ’té yee lé kaa ke a lɛbɛnna kaa zuru va nyɛ kinile blɛɛn nya.

1 Jan 2:13

Né tinu, mi lé é ke ana tɛrɛ bɔrayi nya, ka a dɔɔ, amalé maa a sɛbɛ ’ko gyɛna ka lɛ. ’Kaa pɛniɛnu, ka Satan kele, amalé maa a sɛbɛ ’ko gyɛna ka lɛ. Anlé né kiénénu, ka Ti dɔɔ, amalé maa sɛbɛ gyɛ ka lɛ.

1 Jan 3:12

Kain lé é ke Satan zé nya yé é é zuané gyɛ, té kaa kɛlɛ bélé yee zo lo. Mɛwemalé é a gyɛɛ? Abozen kɛlɛwenu a é naané, yé a zuané zé a tegele, bɛwemalé é a gyɛ.

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.

Wegɔɔnle 1:16

Monéné sɔrafié a a bɛyi lee. Gwɔun ’léé fié sorosoro bɔra a ’léé; yé a yara a bélé yiri lé é ke bina plɛplɛ, a zo.

Wegɔɔnle 13:5

Yé wo zi nɔ wi lɛ léé, ’é dére blɛnblɛn valé Bale sɔnɔdére fe; yé wa se kɛlɛ a lɛ léé, ’é we kɛlɛ moné yɔ fié wɔlɛ fié nya.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 2:16

Amalé ’i bli nɔla; dé ’bɛ kaan lo, maa dan i va laoɛ, yé maa dan guli dan lɛ wo va an ’léé gwɔun nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.