2 Tɛsalɔnik munu 2:13 - Kazambale lé Sebe Sauunu 1979

¹³ Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

2 Tɛsalɔnik munu 2:13 ပူးပေါင်းရင်းမြစ်များ

Wepélisiananu 1:1

Fɛkɛlɛle pélisia bléyi va, dé Kazambale la valé tɛrɛ kɛlɛ,

2 Samuɛl 12:25

É a pa balelayezan Natan lee yé ’bɛ a tɔ pa Jédija, Gakelebale lé we ma.

Wegɔnévɔlenu 8:23

Dé é an bɔra ’té bléyinu ’ka lo, A pélisia bléyi va tɛrɛ bɔrale ’lɛ, ’té maa ana é kwakwa.

Ézai 46:10

We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Daniɛl 10:11

Yé é lé an lɛ léé: Daniɛl, i sɔ Bale lɛ. Dérenu lé maa dan wo fe lɛ i lɛ, ’i wo ban i tɔné nya. ’I nwa yé fɛana lé i ke, ’i dɔ ana; naa sin, wo an pa zia i va. Dé é nyaa wefele nya an lɛ, an dɔ loru, ’té an nyɔɔn‐an.

Daniɛl 10:19

Yé é lé an lɛ léé: I sɔ Bale lɛ. Té i kana we do kpen lee lo. ’I vo drɔɔ ma. ’I bli ta dɔ plɛplɛ, ’i bli ta dɔ plɛplɛ ma. É ke aan wo we fena an lɛ, an fuu dɔ an ta é ziin yé maa léé: Anzan, ’i we fe, naa, i an fuu dɔ an ta.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.

WENÉNÉ LE JAN A GYE (Évangile selon Jean) 1:1

A pélisiana Dére a, ’té Dére a Kazambale va, ’té Dére a Kazambale nya.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.

Rom munu 9:11

Kazambale lé mi va?-?vobɛ lé ke ’ko: é ’ka mi sié a va wo kɛlɛwenu ma lo, éé wo laan é wo. ’Bɛ lé we ma lé, dé Rébéka ’ka tan nénu ’ko yaa lɛ lo, ’té nénu ’ka tan wenyané valé wezin kɛlɛ lɛ lo, Kazambale lé Rébéka lɛ léé, a vininzan é dan pla lɛ é zuané wuo. ’Bɛ a gɔɔn léé, Kazambale dɔ ézé ta tegele.

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

Galasi munu 3:1

Galasi munuoo, Galasi munu, ’tugyɛzannu! De ɛ ka gyɛ ’tu nyaa? Ka lé wo Jézu Krist bɔra ka yuɛ va é gyɛle yiliblan ta bɛ, de ɛ ka gyɛ ’tu nyaa?

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Bélidɔwesɛbɛ Fiézan 33:12

É lé Bɛnjamɛn lé we ma léé: Gakelebale sɔlɛzan lé, É dan nyana lɛ a sɔnɔ duaa, Gakelebale é dan a ta yɔɔ lɛ yifaama, Yé é dan nyana lɛ wo méléna.

Kolɔs munu 1:5

Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

1 Tɛsalɔnik munu 1:4

’Kaa ko bwenu lé ka sɔ Kazambale lɛ é baba, ko a gi dɔɔ léé, Kazambale ka si a va.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

1 Tɛsalɔnik munu 5:9

Naa, Kazambale ’ka kaa kɛlɛ lɛ léé, é bli é fli kaa ma lo; naa, é kaa kɛlɛ léé, Jézu Krist ’é kaa béli.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

2 Tɛsalɔnik munu 2:10

dabliwe ple faa koo, é dan wo kɛlɛ lɛ. Webozen lɔrɔ lé éé mi sié we gi, é ’ka munu ma lo, amalé we ’konu é dan bɔ lɛ woo munu lé wo ke zamaga wona, wo ma.

2 Tɛsalɔnik munu 2:12

yé munu faa lé wo ’ka ’wo bli vo lɛ wezen lɛ lo, ’té wo gi nana weple ma bɛ, yé Bale ’é ga dɔ wo nwiin.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 2:15

’I kwa kuli ibo ma dɔle Kazambale ’lɛ we ma, mian wa gi dan, a nya, nyanamapazan lé yara ’ka a gya lo, ’té éé webozen dére fé tegeleee, a nya.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

Ébrunu 1:10

Yé é lé é ziin léé: Mizambale, a pélisiana bii ɛ tɛrɛ kɛlɛ, Yé lanu a i bɛ panyanama nya;

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.