2 Tɛsalɔnik munu 1:9 - Kazambale lé Sebe Sauunu 1979

⁹ Kazambale é dan wo si lɛ Mizan valé élé plɛplɛ lé fuasan ma baa, yé é dan we lɛdɔ lɛ wo gi wo sɛrɛle tata nya.

2 Tɛsalɔnik munu 1:9 ပူးပေါင်းရင်းမြစ်များ

Wepélisiananu 3:8

Yé wo Bale, Gakelebale dére ’ma, ’té ’bɛ éé giéan féi nyanadi bléyi va yé gɔnézan valé é na yɔɔ Bale Gakelebale lee, féiyilinu méléna.

Wepélisiananu 4:16

’Bɛ zuo Kain si Gakelebale ma baa, yé é nyana Nɔd tɛrɛ la, Édɛn yirinwanazia.

JOB (Job) 21:14

Dɔlé ’té wa fé Kazambale lɛ léé, ’i si ’wo ma, ’Wo ’ka ilé zinu dɔɔle va lo.

JOB (Job) 22:17

Wo lé Kazambale lɛ léé: ’I si ko ma; Plɛplɛfaazan éé mɛ fɛ kɛla ko lɛɛ?

Lɛrɛvɔ Sɛbɛ 16:11

I dan vole é yuɛma zi gɔɔn lɛ an lɛ. Ginanale kiɛre boen ana i yara, Yé ginanamawenu lé woo ’ka nyaan lo, wa i bɛyila.

Lɛrɛvɔ Sɛbɛ 51:11

’I anlé wenyanénu si ana, ’I anlé weplenu faa fwi.

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 2:10

’Ka wɔra gɔlɛkoro gi yé ’ka yɔɔ nyéné gi, léé, kana blɛn lé Gakelebale a zén‐é munu gi koo, alé fuasan bile planplan koo, ’ka so wo lee.

Ézai 2:19

Munu é dan wɔra lɛ gɔlɛkoronu gi, ’té woo goo fɔɔ tɛrɛwɔlɛ ma, léé, kana blɛn lé Gakelebale a zén‐é munu gi koo, alé fuasan bile planplan koo, yé wo so wo lee, bléyian va lé é nwa yé é di kini tɛrɛlamunu gi, a bléyi va.

Ézai 2:21

yé wo dan wɔra lɛ gɔlɛfeegyɛnanu valé gɔlɛkoronu gi, kana blɛn lé Gakelebale a zén‐é munu gi koo, alé fuasan bile planplan koo, wo sole wo lee we gi, bléyian va lé éé nwaan yé é di kini tɛrɛlamunu gi, a bléyi va.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 66:24

Yé dé wo bɔra, munu lé wo nwa an ma, wo dan wo galenu ye lɛ; naa, wo ziri ’ka gaan pelo, yé wo kyɛ ’ka dan diri lɛ pelo, yé wo dan kɛlɛ lɛ mi faa tadanmafɛ nya.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 22:13

Minwiinzan lé é wuomunu lɛ léé: ’Ka a bɛ valé a gane yere yé ’ka a vuli béera gununu va, fɛana lé woo wuvɔa ’té woo suiɛ la blé, ana.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Matio 26:24

Maa blami Be a gona fɛan zo lé wo anlé we gyɛ sɛbɛ gi, a zo. Mi lé é maa blami Be pa munu lee, a gale nyɔ. A fila vɔ kɔɔn léé, té wa yaa boenwo lo.

Matio 7:23

Naa, an dan a fe lɛ wo lɛ kpaklaa léé: Maa ’ka ka dɔɔ lɛ monomono lo. Ka lé ka weple kɛla, ’ka si an ma.

WENÉNÉ LÉ LUK A GYE (Évangile selon Luc) 13:27

yé é dan a fe lɛ ka lɛ léé, ’é lé ka lɛ léé, ’é ’ka ka sina dɔɔa lo. ’Kaa lé ka weple kɛla, ka faa ’é si ’é ma.

WENÉNÉ LE JAN A GYE (Évangile selon Jean) 5:14

’Bɛ zuo, Jézu a ye Balebangikɔn gi yé é lé a lɛ léé: I a yé loo? I béli; té i wenyané kɛlɛ é dɛrɛ lo, we lé é ke tɔntɔn é mini a koɛ ta, dé ’bɛ é da bɔ i ma.

Bélidɔwesɛbɛ Fiézan 33:2

É léma: Gakelebale si Sinai; É nwa Séii wolé we gi, Élé fuasan gɔɔn Paran gɔ la, É bɔra mi sauun kiɛre kiɛre méléna; Bélidɔwe lé é ke bélé kyɛ zo, é a pa wo lɛ zia é bɛ nya.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

2 Tɛsalɔnik munu 2:8

’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

2 Piɛri 2:17

Munu ’konu a bélé ’yibɔnanu lé ’yi ’ka wo gi lo, wo zo; latinu lé fu plɛplɛ ke gona wo nya, wa wo zo; gunuti tiritiri ta a é dɔle wozé nya.

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

SEBE LÉ JUD A GYE (Épitre de Jude) 1:13

Wa bélé wɛyi nwale plɛplɛnu lé, woo ’wo buiɛ tiridɔlenu nwɛɛn‐an, wo zo; wa bélé monéné saanlenu lé, gunutinu ke é tadɔle wozé nya lɛɛfaama, ’té a glɛ ’ka lo bɛ, wo zo.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.