2 Tɛsalɔnik munu 1:5 - Kazambale lé Sebe Sauunu 1979

⁵ We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

2 Tɛsalɔnik munu 1:5 ပူးပေါင်းရင်းမြစ်များ

JOB (Job) 8:3

Kazambale ɛnɔ we drɔle gi sɛraa? Plɛplɛfaazan ɛnɔ we tegele gi sɛraa?

Lɛrɛvɔ Sɛbɛ 111:7

A bɛ panyanama a yarapale we la valé we tegele nya; A déretawenu faa a webozen nya.

Lɛrɛvɔ Sɛbɛ 33:5

We tegele valé we drɔle sɔ a lɛ; Gakelebale éé tɛrɛ faan élé zin nya.

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Lɛrɛvɔ Sɛbɛ 72:2

Yé é dan ilé munu lé we ble lɛ tegele, Yé é dan i wuozan kiénénu lé we ble lɛ é boen ma,

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

WENÉNÉ LÉ LUK A GYE (Évangile selon Luc) 20:35

naa, munu lé a yara lé ’wo tɛlɛ tɛlama we na ye yé wo nwa gale va bɛ, wo ’ka dan le si lɛ lo, yé wo ’ka dan bo si lɛ lo.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Filip munu 1:28

’té di ’ka kinié ka gi ka nyanézannu lé we ma monomono lo. We ’ko, Bale a nɔ tɔmase nya ka nyanézannu lɛ léé, wa é sanle; naa, é a tɔmase nya léé, ka a é sile we gi.

Kolɔs munu 1:12

Ti lé é ka ma’lɛrɛ yé ka kazé tɔnɔ ye Kazambale lé munu va fɛna fu va, ’ka a bɔ vɔ ma.

1 Tɛsalɔnik munu 2:14

Bwenu, Kazambale lé léglizigimunu lé wo ke Jézu Krist gi, ’té wo ke Judé tɛrɛ la bɛ, ka a wo zuosonana. Yé fɛan zo lé Krétiɛn ’konu nyané ble Juifinu lee, a zo duo lé ka é ziin, ka nyané ble kalé tɛrɛlamunu lee.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

Wegɔɔnle 3:4

Naa, ’kaa Saad mi kenu ana duowo, ka ’ka kalé sɔnu tiri dɔ lɛ lo; amalé a yara lé ka dan tawo lɛ an va sɔ funu nya ka ta.