2 Tɛsalɔnik munu 1:4 - Kazambale lé Sebe Sauunu 1979

⁴ É ziin, ko kobo ze vɔa ka tɔ gi Kazambale lé léglizigimunu va wean ma, yee lé é ke ’ko: ka yara a é pale we ta yé ka bli a é pale, dɔlé ’té ka a nyané valé kle blena.

2 Tɛsalɔnik munu 1:4 ပူးပေါင်းရင်းမြစ်များ

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

1 Korent munu 7:17

Naa, duowo, Mizan ka bɔra bɛan gi, é ka laa ’té ka dɔbɛ a fɛan zo bɛ, ka faa do do ’é vo yee bɛ duo gi ma. ’Ko zo lé maa léglizinu gimunu faa béli dɔ.

2 Korɛnt Munu 12:10

Bɛwemalé an tɔɔtɔɔnu koo, an sɔnɔle koo, diri kinile an lɛ koo, nyanéblele koo, kleblele koo, an dɔle wo wuo Krist lé we ma é a an ginanawe nya; naa, dé maa a tɔɔtɔɔ, ’té maa a plɛplɛ.

2 Korɛnt Munu 7:14

Dé maa anbo ze vɔ sɛ ka tɔ gi Tite yuɛ va, yara ’ka an gyɛ lɛ ’bɛ we ma lo; naa, fɛan zo lé we faa lé ko a fe ka lɛ é a weboen nya, a zo duo lé, ka ma we lé ko fe Tite lɛ kobo ze vɔle nya, ’bɛ é ziin, Tite ’bɛ ye webozen nya.

2 Korɛnt Munu 7:4

An bli a ka lɛ é baba; maa anbo ze vɔa ka tɔ gi bɛ faa ma, ka an tɔrɔ paa é baba, dé ko a nyané kiɛre blenaoo, an gi a é nanale, é gié é glɛ la.

2 Korɛnt Munu 9:2

Maa ka bli drɔɔ dɔɔ, yé maa anbo ze vɔ ka tɔ gi Masédɔane munu lɛ ’bɛ we ma, léé, é sia lɛɛ vinin nya Akai ma a é ’lɛrɛle, yé ka fuu lé é ke ka ta é mi kiɛre nyunu.

2 Korɛnt Munu 9:4

Dé ko valé Masédɔane munu bɔ ka va, ’té ka ma ’ka é ’lɛrɛle lo, ’bɛ éé maa gya yara nya, maa ’ka kazé fena lo, yé maa ’ka ’bɛ va lo.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 2:14

Bwenu, Kazambale lé léglizigimunu lé wo ke Jézu Krist gi, ’té wo ke Judé tɛrɛ la bɛ, ka a wo zuosonana. Yé fɛan zo lé Krétiɛn ’konu nyané ble Juifinu lee, a zo duo lé ka é ziin, ka nyané ble kalé tɛrɛlamunu lee.

1 Tɛsalɔnik munu 2:19

Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo?

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

SEBE LÉ JAK A GYE (Épitre de Jacques) 5:11

Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.

2 Piɛri 1:6

yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.