2 Tɛsalɔnik munu 1:11 - Kazambale lé Sebe Sauunu 1979

¹¹ Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

2 Tɛsalɔnik munu 1:11 ပူးပေါင်းရင်းမြစ်များ

Lɛrɛvɔ Sɛbɛ 138:8

Gakelebale é dan wezin kɛlɛ lɛ an lɛ, Gakelebale, i nyanai éé zén‐é yifaama, Té i bɛ panyanama vo lo.

Lɛrɛvɔ Sɛbɛ 48:14

A zi gɔrɔnu lé wo boro ke, ’ka nagini. ’Ka alé fuakɔnnu gi gini é zima, A zuo fele mi kulunu lé wo dan da lɛ bɛ, wo lɛ we ma.

Lɛrɛvɔ Sɛbɛ 51:18

Dé é a kɔɔn léé, i a sarakanu va, ’té maa a bo i lɛ; Naa, balebanwi lé wa kyɛ blé, é ’ka i gi nanaan lo.

Lɛrɛvɔ Sɛbɛ 68:20

’Wo Mizan drɔɔ vo yi faa do do ma. Dé wo ko kele, Bale éé ko sié wo lee. Ka ye do.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 66:9

Maa ɛ bɔa le va yé é né yaa ’naan, yé maa né yaale yi gaa? Maa lé maa né kɛlɛle pélisian, ’naan, maa ɛ fé léé, té é da tɛrɛ la loo? Ilé Bale ɛ fe.

Daniɛl 3:17

Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Zakari 4:7

Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Maak 4:28

Tɛrɛ éé fɛ dɔa é boan, é vinin a gɔn éé bɔa, ’bɛ zuo a nɛnɛ éé kɛla, yé a wɔlɛ éé kɛla a nɛnɛ gi.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

Rom munu 15:14

An bwenu, dé é a kazé we nya, maabozen a gi dɔɔ léé, ka a mi zin babanu nya, yé ka we faa dɔɔ, yé ka bɔa é ziin we plale lɛ ka ke lɛ.

Rom munu 8:30

Yé munu lé é wo dɔ é kyɛn, é wo laa é ziin; yé munu lé é wo laa bɛ, é wo kɛlɛ tegele é ziin; yé munu lé é wo kɛlɛ tegele bɛ, é wo tɔ kɛlɛ blɛn é ziin.

1 Korent munu 1:8

Yé é dan ka dɔ lɛ gligli fɔɔ yé ka bɔ a ’wuoplana, té gun é kɛlɛ ka ma Kaazan Jézu Krist dayi nya lo we ma.

Éfez munu 1:16

maa Bale bɔ vɔa yifaama kalé we ma, an ’ka daan a ma lo; yé maa kalé we laan Bale lee bazorole nya.

Éfez munu 1:5

Kaa sɔle Bale lɛ lé we ma lé, é a fe é kyɛn léé, é dan kaa si lɛ ébozen lé nénu nya Jézu Krist lé we ma, léé, alé zin blɛɛn lé é a kɛlɛ kaa lɛ élé néwezan gi, yé munu a tɔ zin fe a we ma. We ’ko a Bale lé blibɔmawe nya yé é a gi nana, amalé é a kɛlɛ.

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Filip munu 1:6

Mian é kun nyanama zin pale ma ka gi bɛ, é dan go lɛ a lɛsɔɔle nya fɔɔ yé Jézu Krist lé yi é bɔ, maa a é pale ’bɛ ta.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

2 Tɛsalɔnik munu 1:5

We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

2 Tɛsalɔnik munu 2:14

Ka sile we gi ma lé é ka laa, Wenéné lé ko a fe ka lɛ, a nya, kalé fua blele Kaazan Jézu Krist va we gi.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

Wegɔɔnle 3:4

Naa, ’kaa Saad mi kenu ana duowo, ka ’ka kalé sɔnu tiri dɔ lɛ lo; amalé a yara lé ka dan tawo lɛ an va sɔ funu nya ka ta.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.