2 Tɛsalɔnik munu 1:10 - Kazambale lé Sebe Sauunu 1979

¹⁰ We ’ko é dan kɛlɛ lɛ yian nya lé é dan élé fua tagɔɔn lɛ élé munu gi, yé munu é dan Jézu ze vɔ lɛ ’bɛ yi nya, munu faa lé wo bli vo a lɛ, wolé we ma. Naa, wenayedére lé ko a fe ka lɛ, ka bli vo ’bɛ lɛ.

2 Tɛsalɔnik munu 1:10 ပူးပေါင်းရင်းမြစ်များ

Lɛrɛvɔ Sɛbɛ 68:35

’Ka Bale kɛlɛ blɛn. Alé fuasan a Izraɛl ta, yé alé plɛplɛ a la gi.

Lɛrɛvɔ Sɛbɛ 89:7

Naa, lagimunu va, mi kyɛn ɛ bɔa ébo danle lɛ Gakelebale maa? Bale benu va, mi kyɛn ɛ ke bélé bii zoo?

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 43:21

Munu lé maa wo tin anzé nya, Wo dan an tɔ ma gyɛ lɛ.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 49:3

É léé, maa a ’é wuozan Izraɛl lé é dan ’é tɔ bɔ lɛ a ma, a nya.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

Mi Nɔnɔle 23:23

Yokɛlɛle Jakɔb ma ’ka we do kɛla a lɛ lo, Izraɛl ma ’monédɔle ’ka we do kɛla wo lɛ lo; Yian wa dɔ, wo dan a fe lɛ Jakɔb valé Izraɛl ma a yi la léé: Bale lé nyanama lé ke bɛ.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 24:36

Mi do kpen ’ka ’bɛ yi valé ’bɛ bléyi dɔɔa lo. Lagi lanjenu valé maa Bale Be ’ka a dɔɔa lo; an Ti do kpen ɛ a dɔɔ.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 7:22

Mi kiɛre é dan a fe lɛ an lɛ ’bɛ yi la léé: Anzan, anzan, ko ’ka balelawe fe lɛ i tɔ nya loo? Ko ’ka yonu si lɛ munu gi i tɔ nya loo? Ko ’ka gyɛzorowe kiɛre kɛlɛ lɛ i tɔ nya loo?

WENÉNÉ LÉ LUK A GYE (Évangile selon Luc) 10:12

’Bɛ yi nya fla ’ko zé kleblele é dan mini lɛ Sɔdɔm zé ta. Maa fe ka lɛ.

WENÉNÉ LE JAN A GYE (Évangile selon Jean) 11:4

Jézu we ’ko ’ma aan wo, é léé: Gyɛ ’ko ’ka a gyɛgyɛ nya lo; naa, é a Kazambale tɔ kɛlɛ blɛn we nya, Kazambale Be tɔ kɛlɛle blɛn a gi we ma.

WENÉNÉ LE JAN A GYE (Évangile selon Jean) 17:10

Yé munu faa lé wo ke anzé nya, wa izé nya, yé munu faa lé wo ke izé nya, wa anzé nya é ziin, yé wolé we ma lé an tɔ kɛlɛ blɛn.

1 Korent munu 3:13

Wo dan nyanamanu nagini lɛ kyɛ nya; munu faa do do lé nyanama a fɛan zo, kyɛ é dan a gi dan lɛ. Bɛwemalé webleyi nya munu lé nyanama gi é dan bɔra lɛ.

Galasi munu 1:24

Yé wo vo Kazambale tɔ bɔna anlé we ma.

Éfez munu 1:12

kaa lé, kaa bli kɛlɛ Krist lɛ é vinin, kaalé we ma lé ’wo Jézu lé fua tɔ bɔ.

Éfez munu 1:14

Léli Sauun a Kazambale bɛfɛ nya, kaalé tɔnɔ yele we ma, fɔɔ yé munu lé Kazambale wo lɔ élé fua tɔbɔle we ma, yé é wo tabo.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 2:1

An bwenu, kabozen a gi dɔɔ léé, ko dale ka va tɔnɔ a.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

2 Tɛsalɔnik munu 1:12

A zo lé Kaazan Jézu tɔ é dan kɛlɛ lɛ blɛn kalé we ma, yé ka tɔ é dan kɛlɛ lɛ blɛn alé we ma, kaalé Bale valé Mizan Jézu Krist lé zin yɛrama.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 1:18

Amalé dé Mizan lé yi blɛn bɔ, Mizan ’é zin kɛlɛ a lɛ é nyanai zénle a ta nya ma. An mawenu lé é a kɛlɛ Éfɛz, bii ɛ gi dɔɔ é zima é mini mi bɛnu lɛ.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.