1 Timoté 6:9 - Kazambale lé Sebe Sauunu 1979

⁹ Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

1 Timoté 6:9 ပူးပေါင်းရင်းမြစ်များ

1 Minwiinzannu 21:6

É a zi pa a lɛ léé: Maa we fe Jizréɛl mi Nabɔt lɛ yé maa lé a lɛ léé, élé dɔrɔféi nɔ an lɛ gɔɔli ma, dé ’bɛ kaan lo, dé é sɔ a lɛ, maa dan dɔrɔféi bɛ nɔ lɛ a lɛ a lɛ gi. Naa, é léé, é ’ka dan élé dɔrɔféi nɔ lɛ an lɛ lo.

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Wegɔnévɔlenu 15:27

Mi lé a bli ke blɛn, é ébo lé kɔn gi kyɛ dɔa, naa, mi lé éé blɛnu za paan, é dan vo lɛ é yuɛma.

Wegɔnévɔlenu 20:21

Zarafɛ lé wa yé é kele a pélisiana, a drɔɔ ’ka dan vo lɛ é voéla lo.

Wegɔnévɔlenu 21:6

Fɛwezannu lé wa yé vié nɛnɛ nya, wa boafɛnu lé wo dan san lɛ, wo nya, yé ga a wo zuo é pu.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Wegɔnévɔlenu 23:4

Té ibo wɔlɛi nyaa i ma kɛlɛle fua nya we gi lo, té i yara pa a naginile ta lo.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Zakari 11:5

Munu lé wo wo lɔ bɛ, wo ’ka wo vo lo, woo wo bɔrɔ boo. Wo dan?-?munu léma: Ko a fua blena, amalé ’wo Gakelebale drɔɔ vo ma. Yé wo pazannu ’ka wo soo we lee lo.

Mi Nɔnɔle 31:8

Wo Madiannu valé wo nwiinzannu gyɛ ékeva, Évi koo, Rékɛm koo, Suu koo, Uru koo, Réba koo, woo lé; wo nwiinzan blɛn soru tɔ lé ke bɛ, yé é ziin wo Béɔɔ be Balaam gyɛ gwɔun nya.

Matio 13:22

A wɔlɛ lé é dia lélinu va, ’bɛ a mi lé éé Bale dére maan, a nya; naa, tɛrɛla gibɔrɔpalenu valé dabli lé, fuafɛnu a kɛla munu lɛ, woo dére ’ko tunuan yé a ma tɔnɔ ’ka kɛla lo.

Matio 19:22

Pɛniɛzan ’ko lé fɛnu a di, amalé é dére ’konu ’ma aan wo, é go é bli gi kyɛ dɔle nya.

Matio 26:15

Mɛ fɛ lé ka dan a nɔ lɛ an lɛ yé maa Jézu pa ka lee? Yé wo gɔɔlifu yɔ do wɔlɛ vu nɔ a lɛ.

Matio 6:19

Tɛrɛ la ’ko, té ka fɛwezannu téé kabo zé nya lo; boworo valé gyan éé wo sɛra ’bɛna; kyeenwozannu éé wɔraan kɔn gi, yé wo fɛnu sia kyeen nya ’bɛna.

Maak 4:19

tɛrɛla gi bɔrɔ palenu koo, dabli lé fua a kɛla munu lɛ koo, blibɔle fɛ bɛnu ma koo, woo Bale dére tunuan yé wo ma tɔnɔ ’ka kɛla lo.

WENÉNÉ LÉ LUK A GYE (Évangile selon Luc) 12:21

Mi lé éé fɛwezannu zun dɔa ébo zé nya, yé é ’ka fɛwezannu tadɔa Kazambale va lo, a zo lé alé we ke.

WENÉNÉ LÉ LUK A GYE (Évangile selon Luc) 21:35

naa, é dan bɔra lɛ tɛrɛlamunu faa ma.

Kelewenu 8:20

Naa, Piɛri lé a lɛ léma: Bii valé ilé gɔɔli ’é go kyɛ va ékeva. É a i gi léé, woo Kazambale lé blɛ ’ko yé gɔɔli nyaa?

Éfez munu 4:22

Wa paa ka gi léé, blami dɔbɛ lé é ke kalé tɛrɛla kyɛn zé nya, ’té é vɔn blibɔmawe saanlenu ma bɛ, ’é si ka lee,

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

1 Timoté 1:9

’té dé mi a gi dɔɔ léé, wo ’ka a kɛlɛ lɛ mi tegele lé we ma lo, naa, wa kɛlɛ wenyanékɛlɛzannu lé we ma. Mi lɛrɛlɛrɛnu koo, mi lɛgamazannu koo, Kazambale lé zi ma wenyané fezannu koo, wenyanékɛlɛzannu koo, munu lé wo ’ka bazoroan lo koo, munu lé wo Kazambale lé we yé boawe nya koo, ti valé bu gyɛmunu koo, migyɛmunu koo,

1 Timoté 3:7

É a lé flamunu a ma we zin fe, té é yaragyɛwe kɛlɛ yé é vɔ yonufaatagɔné lé sannu ’léé lo we gi.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

2 Timoté 2:26

yé dé wo ’wuo dɔ wo ta, yonufaatagɔné lé é wo kun wo plale élé blibɔmawe wuo we ma bɛ, yé wo si alé mikunsannu ’léé.

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Jozué 7:11

Izraɛl wenyané kɛlɛ; gi lé ko pa do wo nya, wa sɛrɛ; fɛnu lé wa nɔ bale pale wo ma nya, wa si; wa si kyeen nya yé wo go a nya é yɔɔle, yé wa yɔɔ wolé kɔnénu gi.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.