1 Timoté 6:6 - Kazambale lé Sebe Sauunu 1979

⁶ Webozen nya, tawole Kazambale lé zi ta tɔnɔ a blɛn, ’té dé fɛ lé ke i lee, dé ’bɛ izé bɔa.

1 Timoté 6:6 ပူးပေါင်းရင်းမြစ်များ

2 Minwiinzannu 6:2

Kaa go Juudɛn yuu ma, yé ko faa do do ’é da kɔnyili nya, yé ko ko nyanana kɛlɛ. Élizé lé wo lɛ léé: ’Ka go.

Lɛrɛvɔ Sɛbɛ 37:16

Mi tegele lé fɛ sɛné fila vɔ É mini mi nyanénu kiɛre lé fɛ di yele ta;

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Fwile 2:21

É dɔ Moizi gi léé, ’é nyanaan gɔné ’ko va, yé é nyana a va. Yé ’bɛ é lu Séfora nɔ a lɛ a na nya.

Wegɔnévɔlenu 15:16

Dé fɛ kiéné a i lee, ’té i kanaan Gakelebale lee, ’bɛ fila vɔ é mini fɛwezannu kiɛre ta, ’té bliikyɛdɔle ke a zuo.

Wegɔnévɔlenu 16:8

Fɛ sɛné fila vɔ, ’té we tegele a a va, é mini fɛ kiɛre lé weple ke a va, a ta.

Wegɔnévɔlenu 28:25

Boblɛnzan éé mi vɔa ékema, naa, mi lé ébo bɛ pa Gakelebale lee, éé kaan.

Jérémi 35:9

Ko ’ka kɔn dɔa ko nyanana nya monomono lo, yé dɔrɔféi koo, féi pla koo, fɛwɔlɛ vɔna koo, é ’ka ko lee lo;

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 3:14

Sunyanu é ziin, wo we laa a lee léé: Yé ko, é a lé ko kɛlɛ kaa? É lé wo lɛ léé: Té ka fɛ si gla nya mi do kpen lee lo, té ka dabli kɛlɛ mi do kpen lɛ lo, ka gooli ’é sɔ ka lɛ ma.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Filip munu 1:21

Naa, Krist a anlé vole é yuɛma nya, yé ga a anlé tɔnɔyémafɛ nya.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

1 Timoté 6:8

Bɛwemalé, dé fɛblele valé sɔ a kaa lee, ’té ’bɛ kaazé bɔ.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.