1 Timoté 6:5 - Kazambale lé Sebe Sauunu 1979

⁵ yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

1 Timoté 6:5 ပူးပေါင်းရင်းမြစ်များ

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Matio 12:33

É a lé, dé yili do a é zima, ’té a poro a é zima, dé ’bɛ kaan lo, é a é naané ’té a poro a é naané. Woo yili dɔɔan é poro ma.

Matio 21:13

Yé é lé wo lɛ léé: É a é gyɛle Kazambale lé sɛbɛ gi léé: Wo dan anlé kɔn laa lɛ bazorokɔn. Yé ka a kɛlɛ kyeenwozannu yɔɔkɔn nya.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

1 Korent munu 11:16

Dé é sɔ mian lɛ léé, éé zavɔa we ’ko ma, kozé kɛlɛbɛ ’ka ’bɛ nya lo. Kazambale lé léglizigimunu é ziin, wozé kɛlɛbɛ ’ka ’bɛ nya lo.

2 Tɛsalɔnik munu 3:6

Bwenu, ko we plaan ka lɛ Kaazan Jézu Krist tɔ nya léé, Krétiɛn faa lé wolé tawobɛ ke é vɔɔle, ’té wo ’ka tawoo kolé wepaale yɛrama lo, ’ka kini wo nya ékema.

1 Timoté 1:6

Mi kenu yara si we ’konu ta, ’té woo ’wobo saan zavɔle planu nya.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 3:8

Léglizi wuozannu é ziin, é a lé wo kɛlɛ mi tegelenu nya. ’Wo si dabliwenu koo, nwɛ minile baba koo, bli bɔle gɔɔli ma koo, wo ma baa;

1 Timoté 4:7

Naa, fiinnu lé leblanénu a vɔa, ’té woo Kazambale lé we gi sɛra bɛ, ’i wo yi ga.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

1 Timoté 6:6

Webozen nya, tawole Kazambale lé zi ta tɔnɔ a blɛn, ’té dé fɛ lé ke i lee, dé ’bɛ izé bɔa.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

2 Timoté 3:8

Fɛan zo lé Janɛs valé Jambrɛs dɔ Moizi ma plɛplɛ, a zo duo lé munu ’ko éé dɔa webozen ma plɛplɛ. Wa é vɔnle we ’male gi, wo ’ka mi nya blipale lé we vazia lo.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

2 Piɛri 2:15

Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.

Wegɔɔnle 18:13

zian pun kanɛl koo, lia ginzannu koo, lasikɔrɔ koo, miré koo, lasikɔrɔpo koo, dɔrɔ koo, nyɔnɔ koo, burupun zima koo, buruwɔlɛ koo, dirinu valé ’blanu koo, wisoonu valé wisoogoronu koo, munu kɔlɛnu valé wo boennu koo, wo ’ka dan yaawo lɛ wo do kpen nya ana é dɛrɛ lo, amalé wa wuvɔna.

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.