1 Timoté 6:16 - Kazambale lé Sebe Sauunu 1979

¹⁶ ’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

1 Timoté 6:16 ပူးပေါင်းရင်းမြစ်များ

JOB (Job) 37:23

Ko giéan kyɛn yé ko bié Plɛplɛfaazan maa? É a blɛɛn, plɛplɛ koo, Kɛlɛle tegele koo, plale mi nwiin se koo, wo gi. É ’ka we zi paan lo.

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Fwile 33:20

Gakelebale léé: I ’ka bɔa an yara yele lɛ lo, naa, mi ’ka bɔa an yele lɛ yé é vo é yuɛma lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Abaku 3:4

É a bélé san bile zo; A san éé bɔraan a lee bélé yirisan zo, Ana lé alé plɛplɛ punsina ke.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 14:9

Jézu lé a lɛ léé: Filip, ana mɔn ’té maa a ka va, yé i ’ka tan an dɔɔ lɛ loo? Mi lé é an ye, é an Ti ye. É kɛlɛ kaa yé i léé, an Ti nagɔɔn ’wo lɛɛ?

WENÉNÉ LE JAN A GYE (Évangile selon Jean) 6:46

É ’ka kɛlɛ lɛ léé, mi do kpen an Ti ye lo, ’té dé é ’ka maa lé an si Kazambale va, an nya lo; maa ɛ an Ti ye.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

Éfez munu 3:21

’wo ’bɛzan tɔ bɔ léglizi valé Jézu Krist lé we ma, mi kulu faa va ma, lɛɛfaama, té a glɛ é dɔ lo. Amɛɛn.

Bélidɔwesɛbɛ Fiézan 32:40

Naa, maa an bɛ nwa la vazia, Yé maa léé: Maa a é yuɛma lɛɛfaama, ’bɛ glɛ ’ka lo.

Filip munu 4:20

’Wo kaa Ti Bale tɔ bɔ lɛɛfaama, té a glɛ é dɔ lo ma. Amɛɛn.

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

1 Jan 1:5

We lé ko a ’ma a ta, yé ko ke a fena ka lɛ ’ko, yee lé é ke léé, Kazambale a san nya, yé gunuti do kpen ’ka a va lo.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 7:12

yé wo léé: Amɛɛn! Tɔzinfele koo, kɛlɛle blɛn koo, wedɔɔle koo, bɔvɔle koo, tɔbɔle koo, plɛplɛ koo, gla koo, wa kolé Bale zé nya lɛɛfaama ma! Iiin, é a a zo.