1 Timoté 6:12 - Kazambale lé Sebe Sauunu 1979

¹² ’I guli dan, guli zin lé wa daan blipale nya, a nya; vole é yuɛma lé a glɛ ’ka lo, ’bé kun kli. A yele we ma lé Bale i laa, ’té i dɔ a ta munu kiɛre yuɛ va bɛ, yee lé.

1 Timoté 6:12 ပူးပေါင်းရင်းမြစ်များ

Lɛrɛvɔ Sɛbɛ 63:8

Naa, bii a an bɔavazan nya, Yé ginanale lé éé giéan é glɛ la, maa a é nyanale a nya i bɛ wuo.

Wegɔnévɔlenu 3:18

É a mibéliyili nya munu lé wa kunwo, wozé nya, yé munu lé wo we dɔɔ, wo gi a é nanale.

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

2 Korɛnt Munu 6:7

webozen dére koo, Kazambale lé plɛplɛ koo, we tegele lé é ke gulidanfɛnu valé mi botakuunfɛnu nya, ’bɛ koo, wo nya.

2 Korɛnt Munu 9:13

Kalé blɛ ’ko kɛlɛle a nagɔɔn léé, ka a Krist lé Wenéné lɛdɔna a ma, ’té ka fé, bɛwemalé munu éé Kazambale tɔ bɔa, yé blɛnu lé ka kɛla wo lɛ, é valé mi faa lɛ, woo Kazambale tɔ bɔa wolé we ma é ziin.

Bélidɔwesɛbɛ Fiézan 26:3

Balebanzan lé é ke nyanama pana ’bɛ bléyi va, ka dan a nɔ lɛ ’bɛzan lɛ yé ka dan a fe lɛ a lɛ léé: Kyɔ, maa a fena Gakelebale, ilé Bale lɛ léé, an bɔ tɛrɛ lé Gakelebale ébo ’nyɔɔn ko tranu lɛ léé, é dan a nɔ lɛ ko lɛ, a ta.

Filip munu 1:30

Guli lé ka an ye a danna yé ka a ’ma léé, maa a yee guli duo danna duowo, ka é ziin, ka a yee guli duo danna.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

2 Tɛsalɔnik munu 2:14

Ka sile we gi ma lé é ka laa, Wenéné lé ko a fe ka lɛ, a nya, kalé fua blele Kaazan Jézu Krist va we gi.

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

1 Timoté 1:19

I bli ’é vo é pale yé té ilé wevasibli é we dɔ i nwiin lo. Mi kenu ’ka wo tɔné dɔ lɛ wolé wevasibli lɛ lo, yé wobo vuru Kazambale lé we gi.

1 Timoté 4:14

Blɛ lé Bale a kɛlɛ i lɛ léglizigimi segelenu bɛnu plale i ta valé balelawefele nya, té i yara si a ta lo.

1 Timoté 6:13

Kazambale lé éé flinle no fɛ faa lɛ, é valé Jézu Krist lé é blipale tɔbɔwe kɛlɛ Pɔns Pilat yara, ko a wo fiénu ’lɛ ’ko; maa lé i lɛ léé,

1 Timoté 6:19

’Bɛ zo we kɛlɛle nya lé wo dan fɛwezannu zun dɔ lɛ tɛlɛ tɛlama zé nya é ta nya drɔɔ é pla, yé ’bɛ ma lé wo dan bélile bozen ye lɛ.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 2:2

Yé we lé bé ’ma an ta wenayemunu kiɛre yuɛ va bɛ, ’bé bɛ pa yarapawelazannu lee, munu lé woo bɔa a paale lɛ mi bɛnu gi, wo lee.

2 Timoté 4:7

An guli zin dan; maa anlé za kɛlɛle lɛ sɔɔ; an bli vo Kazambale lɛ.

Ébrunu 13:23

Ka a gi dɔɔ léé, wo daan kaa bwe Timoté ma. Dé é da an va é kele, ’té maa valé yee é dan go lɛ ka va.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.

Weblezannu 3:2

Izraɛl lé nénu kulunu lé wo ’ka gulidanle lé we dɔɔ lɛ é vinin lo, é sɔ Gakelebale lɛ léé, ’wo gulidanle draan, yé wa gi dɔɔ.