1 Timoté 6:1 - Kazambale lé Sebe Sauunu 1979

¹ Munu faa lé wo ke luubale gi, é a lé ’wo ’wozannu ye munu lé woo wo lɛdɔama, wo nya, té munu é Kazambale tɔ valé alé wepaale sɛrɛ lo we ma.

1 Timoté 6:1 ပူးပေါင်းရင်းမြစ်များ

Wepélisiananu 16:9

Yé Gakelebale lé lanje lé a lɛ léé: ’I nɔla izan va i pa gi, yé ibo pla a wuo bo kiéné nya.

Wepélisiananu 24:12

Yé é léma: Gakelebale, anzan Abraam zé Bale, ilé zanté, we lé an bli bɔ a ma, bé kɛlɛ an lɛ kyɔ ma, yé ’i wezin kɛlɛ anzan Abraam lɛ ma.

Wepélisiananu 24:2

Yé Abraam we fe é leezan do lé, é mɔn a va alé kɔn gi é mini é bɔlunu faa ta, ’té alé fɛnu faa bɛ ke é pale a lee bɛ, a lɛ, yé Abraam lé a lɛ léé: Ilé zanté, ’i bɛlaa wɔra an boro wuo;

Wepélisiananu 24:27

’té é a fé léé: ’Wo Gakelebale drɔɔ vo ma; anzan Abraam lé Bale lé; é ’ka daan é nyanai zénle ma anzan ta lo, ’té é alé we kɛla yarapalale nya. Maabozen, Gakelebale da maa nya anzan bwenu lé kɔn’léé.

2 Samuɛl 12:14

Naa, we ’ko kɛlɛle nya lé i zi nɔ Gakelebale nyanézannu lɛ léé, wo Gakelebale sɔnɔ, amalé négɔné lé wa yaa i lɛ, é dan ga lɛ.

2 Minwiinzannu 5:13

A wuozannu bié we fele a lɛ we gi, yé wo léé: An ti, dé balelayezan we plɛplɛ fe i lɛ kɔɔn, ’té i ’kanɔ a kɛla loo? Yé dé é a fe i lɛ léé, ’i zuru yé i gi é bɔ nii? É ’ka lé i ’bɛ kɛlɛ loo?

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 52:5

Wo go anlé munu nya luu gi é pla, Yé sin maa dan a kɛlɛ lɛ kaa? Yaawotazannu éé siaan wo ta plɛplɛ, Woo flile siaan an tɔ ma bladi fɔɔ yé yiri é vɔ a zo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

Ézékiɛl 36:23

An tɔ blɛn lé ka sɛrɛ bɛntɛrɛnu ta, ’té ka a sɛrɛ wo méléna bɛ, maa dan a kɛlɛ lɛ tegele. Yé Mizan Gakelebale léma: Dé kalé we kɛlɛ blɛn bɛnnu yuɛ va, wo dan a gi dɔɔ lɛ léé, maa lé ke Gakelebale nya.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Matio 11:30

Naa, we draanle an va a é zima, yé an ’ka kɔné bɛnzan dɔa mi nwiin lo.

Matio 11:9

Taa, ka go mɛ kɛlɛ lɛɛ? Balelayezan lé ka go a nagini lɛɛ? Iin, maa lé ka lɛ léé, é mini balelayezan ta.

WENÉNÉ LÉ LUK A GYE (Évangile selon Luc) 17:1

Jézu lé é zuomunu lɛ léé: É ’ka kɛlɛ lɛ léé, diérawe ’ka kɛla lo lo, naa, mi lé é da diérawe nya, a gale nyɔ.

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Kelewenu 10:7

Lanje lé é we fe a lɛ bɛ, a gole tɔɔn, Kɔɔnéi é wuomunu fié laa yé a lee sunya do lé é ke Bale lé zisɔlɛzan nya, é ’bɛ pa wo va

Kelewenu 15:10

Sin, mɛmalé ka a Kazambale gi danna, kɔné blɛn dɔle nya Jézu zuomunu nwiin? Kɔné ’ko sile ko valé ko tranu kele é kyɛn.

Rom munu 2:24

Naa, woo Kazambale tɔ sɔnɔan bɛn bɛnu méléna kalé we ma, fɛan zo lé é a é gyɛle sɛbɛ gi, a zo.

1 Korent munu 10:32

Dé é a Grɛkinu nyaoo, dé é a Juifinu nyaoo, dé é a Kazambale lé léglizigimunu nyaoo, té ka kɛlɛ wo saanzannu nya lo.

Galasi munu 5:1

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.

Bélidɔwesɛbɛ Fiézan 28:48

amalé ka nyanézannu lé Gakelebale é dan wo nwa lɛ ka ma, ka dan nyanama pa lɛ wo lɛ, ’té lɔrɔ valé ’yiminilɔrɔ éé ka gya, ’té ka a é porole, ’té fɛ faa éé vuruan ka ma. Gakelebale é dan foliɛvɔlɛ bale vɔ lɛ ka bɔrɔ ma fɔɔ yé é ka kulu ga.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 2:5

’wo kɛlɛ ’wuotazannu nya, ’wo yuɛ pa ’wobo va é zima, ’wo ’wolé kɔn gi nyanama pa, ’wo kɛlɛ le zinnu nya, ’wo pla ’wo zananu wuo. Lomu segelenu a paa wo gi léé, ’wo ’bɛ faa kɛlɛ, té munu é Kazambale dére sɔnɔ lo we gi.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 3:16

’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.