1 Timoté 5:8 - Kazambale lé Sebe Sauunu 1979

⁸ Dé mian é ’ka é gɔnɔlamunu mawe kɛla lo, dé é ’ka élé kɔngimunu zé kɛla yé é mini mi bɛnu zé ta lo, ’té éé sɔn vɔa Bale lé we ma, ’té alé we naané mini yolémunu zé ta.

1 Timoté 5:8 ပူးပေါင်းရင်းမြစ်များ

Wepélisiananu 30:30

Fɛ kiéné ɛ ke i lee an dale ’lɛ, é fan, yé Gakelebale i drɔɔ vo an dale zuo. Sin, maa anbo zé nyanama paan mɛ yi laa?

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Matio 18:17

Dé é ’ka wo dére nyi si lɛ lo, bé fe léglizigimunu lɛ; dé é ’ka léglizigimunu dére nyi si lɛ lo, ’é kɛlɛ i yuɛ gi bélé yolémi valé vagɔɔlisizan zo ma.

Matio 7:11

Naa, ka‐an, ka ke é naané, dé ka fɛ zin nɔle gi dɔɔ kalé nénu lɛ, ka Ti lé é ke la gi, é ’ka dan fɛ zinnu nɔ lɛ munu lé wa laan a lee, wo lɛ loo?

WENÉNÉ LE JAN A GYE (Évangile selon Jean) 15:22

Dé maa ’ka da lɛ lo, dé maa ’ka we fe lɛ wo lɛ monomono lo, ’té wolé wenyané ’ka kɔɔn lo; naa, sin, wo dɔna ’ka, yé wo wenyané kɛlɛ é dɛrɛ lo.

1 Korent munu 6:6

É kɛlɛ kaa yé bwe do éé bwe do tɔ fé, munu lé wo bli ka é pale lo, wo vaa?

2 Korɛnt Munu 12:14

Ka ye, maa anlé kɔné bɛ pa ékema gole ka va we gi a gɔnɔ yaazan nya, yé an ’ka dan kɛlɛ lɛ ka nwiin kɔné nya lo; naa, maa ’ka ka leefɛ naginina lo, kabozennu lé maa ke a naginina. É ’ka lé nénu é fɛ zun dɔ wo yaazannu lɛ lo, wo yaazannu ɛ fɛ zun dɔa wolé nénu zé nya.

2 Korɛnt Munu 6:15

Krist valé Bélial dére éé sɔa doo? Mi lé a bli ’ka é pale lo, ’bɛ éé dɔa blipazan lé we gii?

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

Tite 1:16

Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.