1 Timoté 5:3 - Kazambale lé Sebe Sauunu 1979

³ Gyɛzaralomu lé wolé mi ’ka lo, ’i wo lɛdɔma ma.

1 Timoté 5:3 ပူးပေါင်းရင်းမြစ်များ

JOB (Job) 29:13

Wenaanébɔmazan an drɔɔ vo, Maa gyɛzarale gi nana kaii.

JOB (Job) 31:16

Dé nyanégyɛmunu fɛ laa an lee yé maa a nyané kɛlɛ wo lɛ, Dé gyɛzarale kwééle kɛlɛ an pagi nya,

Lɛrɛvɔ Sɛbɛ 146:9

Gakelebale éé bɛnnu takuun‐an, Ti valé bu galazannu koo, gyɛzaralomu koo, éé wo kunwo é zima. Naa, éé mi nyanénu lé we gi sɛra.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 94:6

Woo zanagalale valé bɛnnu bɔrɔ boo, Woo ti valé bu galanénu gya.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Jérémi 49:11

’I daan tigalazannu valé bugalazannu ma, maa dan wo vo lɛ é yuɛma, yé ilé zanagala lomu ’wo pa an ta ma.

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

WENÉNÉ LÉ LUK A GYE (Évangile selon Luc) 2:37

’Bɛ zuo yé é vo gyɛzarale nya, yé a lɛɛ a yɔ ziɛn wɔlɛ ziɛn. É ’ka sié Balebangikɔn gi lo, ’té é Kazambale bɔa lɔrɔ sɔnle valé bazorole nya, bladi nyanadi.

WENÉNÉ LÉ LUK A GYE (Évangile selon Luc) 7:12

Dé Jézu bɔ flagɔrɔ ’léé sɔnɔ, bé ye, ’té wa dana minyaa nya; yee ɛ ke é bu lé négɔné do kpen nya, yé a bu a gyɛzarale nya; ’té flamunu kiɛre a a va.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

Kelewenu 6:1

’Bɛ bléyi va Jézu zuomunu ’léé taa zén a va, yé Grɛki Juifinu vo gun gyɛna Juifinu ma, yé wo léé, fɛ lé wa gulian ’wo ma yi faa do do ma, wo ’ka ’wolé gyɛzaralomu zé no é zima lo.

Kelewenu 9:39

Piɛri nwa yé wo go munu ’konu nya. Wo bɔ aan wo, wo go Piɛri nya kɔn nwiin kɔnné gi. Gyɛzaralomu Piɛri zi lɛ sɔɔ wuvɔle nya, yé varɔnu valé sɔnu lé lezan ’ko a kɛlɛ, ’té é a wo va, wa gɔɔn a lɛ.

Kelewenu 9:41

Piɛri kun a bɛ ma yé é a nwa. Yé é Kazambale lé munu valé gyɛzaralomu laa yé é a nɔ wo lɛ ’té é a é yuɛma.

Bélidɔwesɛbɛ Fiézan 10:18

éé we tegele kɛla bugalazannu valé tigalazannu valé gyɛzaralomu lɛ; éé bɛn lɔrɔ paan yé éé fɛblele valé sɔ no wo lɛ.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:14

Ka koo, ka benu valé ka lunu koo, ka wuogɔnénu valé ka wuolomu koo, Lévi mi koo, bɛn bɛ mi koo, ti valé bugalazannu valé zanagalalomu lé wo ke ka va koo, ka faa gi é dan nana lɛ fɛti ’ko yinu la.

Bélidɔwesɛbɛ Fiézan 27:19

Bɛn bɛ mi koo, ti valé bugalazan koo, zanagalale koo, dé mian wolé wekɛlɛse si wo lee, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

1 Tɛsalɔnik munu 2:6

Ko ’ka ko tɔbɔle nagini lɛ munu va lo, dé é a ka nyaoo, dé é a mi bɛnu nyaoo, ka va lo, dɔlé ’té a se a ko lɛ léé, ko kɛlɛ kɔné nya ka nwiin; ko a Krist lé nwunvɔzannu nya, ’bɛzama.

1 Timoté 5:2

’i we pla le segelenu lɛ bélé i bunu zo; lomu lé wo yara ’ka tan kini lɛ lo, ’i we pla wo lɛ bélé i burunu zo, yé ’i vo sauun.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

1 Piɛri 2:17

’Ka munu faa lɛdɔma; ’ka ka bwenu lɔrɔ pa; ’ka kana Kazambale lee; ’ka minwiinzan lɛdɔma.

1 Piɛri 3:7

’Kaa gɔnénu, le ’ka plɛplɛ bélé gɔné zo lo, amalé ’ka nyana ka nanu va wedɔɔle nya. Fɛan zo lé kabozen vole é yuɛma ye zin nya, a zo duo lé wa ye é ziin, amalé ’ka wo kun é zima, té kalé bazorole é sɛrɛ lo we gi.