1 Timoté 5:13 - Kazambale lé Sebe Sauunu 1979

¹³ Yé é ziin, dé wa é pla tɔɔn, ’té wo kun gole ma kɔnnu gi nuu. ’Bɛ ta loru, woo we faa ’wuo kunwo kwɛkwɛ ’té wa sɔɔlaan, ’té woo goo vɔle nya mi bɛnu lé we gi, yé we lé é ’ka lé wa fe lo, ’té wa fé.

1 Timoté 5:13 ပူးပေါင်းရင်းမြစ်များ

Wegɔnévɔlenu 11:13

Mi lé éé mi tɔ sɛra, éé kyeengiwenu bɔraan, naa, we vo ’é bligizan éé wo yɔɔan.

Wegɔnévɔlenu 20:19

Mi lé éé tɔ sɛrɛwe nwɛɛn‐an éé kyeengiwe ta bɔraan; amalé té i vɔ we mlanmlannézan zuo lo.

Wegɔnévɔlenu 31:27

A yuɛ a élé kɔngiwe faa ta é zima, yé é ’ka kun‐anwozan blefɛ blé lo.

Wegɔnévɔlenu 7:11

Lezan a lɔluzan nya, yé yara ’ka a gya lo; é ’ka nyana é péli la ébo lé kɔn ’léé lo;

Lévinu 19:16

Té ka mitɔsɛrɛwe nwɛɛn kalé munu va lo. Té ka nwa ka bɔluzannu ma wo nyɛ zanale we ma lo. Maa a Gakelebale nya.

WENÉNÉ LÉ LUK A GYE (Évangile selon Luc) 10:7

’Ka vo kɔn ’ko ’léé, yé fɛ lé wa nɔ ka lɛ, ’ka ble; naa, a yara léé, nyanamapazan ’é gooli ye. Té ka go gole nya kɔnnu gi lo.

Kelewenu 20:20

Ka a gi dɔɔ léé, wenu lé wo ka ma we nyian wo, an ’ka a gɔ do kpen yɔɔ lɛ ka ma lo. An we fe ka lɛ yé an we paa ka gi gɔrɔ la valé kɔnnu gi, té kana ’ka an gi lo,

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

1 Timoté 5:12

yé wo dan si lɛ Kazambale lé we lé é sɔ wo lɛ é vinin bɛ, a zuo, ’té wo we dɔ wobo nwiin.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

SEBE LÉ JAK A GYE (Épitre de Jacques) 3:10

Mi ’léé duona lé mi drɔɔ vole valé balepale mi ma éé bɔraan. An bwenu, é ’ka lé é kɛlɛ ’bɛ zo lo.

1 Piɛri 4:15

Té ka va mi do kpen é kle ble migyɛle koo, kyeenwole koo, wenaané kɛlɛle koo, wɔrale mi bɛ lé we gi koo, wolé we ma lo.

3 Jan 1:10

Bɛwemalé, dé an da, wenu lé é wo kɛlɛ, wo sele é dan dɔ lɛ an gi. É boawe naané fe ko ma, yé ’bɛ ’ka a gi bɔ lɛ lo; é ’ka bwenu bɛn si lɛ lo, yé munu lé é sɔ ’bɛnu lɛ léé, ’wo wo bɛn si, é a yi ga ’bɛnu lee, yé é wo bɔra léglizi gi.