1 Timoté 5:10 - Kazambale lé Sebe Sauunu 1979

¹⁰ dé wa ma we zin fé alé wezin kɛlɛle ma, dé éé nénu paan, dé é a bɛn sɔlɛzan nya, dé éé Kazambale lé munu gane ma folié, dé éé bɔa nyanéblemunu va, dé éé wezin gɔnɔ faa kɛla, ’wo ’bɛzan tɔ gyɛ ma.

1 Timoté 5:10 ပူးပေါင်းရင်းမြစ်များ

Wepélisiananu 18:4

’Wo da ’yi sɛ nya ma, ’ka gane ma zuru, yé ’ka flin yili ’ko wuo ma.

Wepélisiananu 19:2

A zuo é léé: Anzannu, kalé zanté, ’ka da ka wuozan lé kɔn ’léé, yé ’ka gane ma zuru yé ’ka yii; yé tɛlɛ ’ka nwa bladi tutu yé kalé zi sia. Wo lé a lɛ léé: Gba, ko dan yii lɛ béera.

Wepélisiananu 24:32

Gɔnézan bɔ kɔn ’léé. Laban kɔné si nyɔgɔménu punu yé é lɔɔ valé fɛblele nɔ nyɔgɔménu lɛ, yé é gane ma zuru ’yi nɔ gɔnézan valé é vamunu lɛ.

Wepélisiananu 43:24

Gɔné ’ko é wo wɔra Jozɛfu lé kɔn gi. É ’yi nɔ wo lɛ yé wo ’wo gane ma zuru a nya. Yé é fɛblele nɔ wolé sokofalenu lɛ é ziin.

Lɛrɛvɔ Sɛbɛ 119:4

I we pla munu lɛ, Wolé i déretawenu kɛlɛle tegele we ma.

Ézai 1:17

’Ka wezin kɛlɛle draan, ’ka kwa kuli léé, kalé we ’é kɛlɛ tegele. Munu lé wa kle pana wo ta, ’ka wo takuun; ’ka we tegele kɛlɛ ti valé bu galazannu lɛ, ’ka dɔ zanagalalomu zuo.

Lévinu 25:35

Dé nyané i bwe gyɛ i sɔnɔ yé a bɛwɔlɛi ’ka a ma lo, ’i bɔ a va; mi lé ke i va bɛn nya, bé kɛlɛ a lɛ yee duo zo, a vole é yuɛma i va we gi.

Matio 25:17

A zo duo lé, mi lé é talan fié nɔ ’bɛ lɛ, ’bɛzé pa a ma talan fié é ziin.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

WENÉNÉ LÉ LUK A GYE (Évangile selon Luc) 7:38

É dɔ Jézu zuo a gane sɔnɔ. É kun wuvɔle ma; yé é a gane ma zuru é yuɛyi nya yé é a ma boo é nwun nya, yé é pwɛpwɛ vɔ a gane ma yé é lasikɔrɔ zén a gane ma.

WENÉNÉ LÉ LUK A GYE (Évangile selon Luc) 7:44

A zuo, é yara nɔla lezan va yé é lé Simɔn lɛ léé: I le ’ko yee? An wɔra ilé kɔn gi yé i ’ka gane ma zuru ’yi nɔ lɛ an lɛ lo; naa, le ’ko an gane ma zuru é yuɛyi nya yé é wo ma boo é nwun nya.

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Kelewenu 22:12

Yé mi do ana Damas, wa laama Ananias, éé bélidɔwe kɛla tegele, yé Juifinu faa lé wo ke é nyanale Damas, wa ma we zin fé;

Kelewenu 6:3

Bɛwemalé, bwenu, ’ka ka va mi sɔrafié si a va, munu lé woo wo ma we zin fé, wo nya, ’té Léli Sauun ke wo ta, ’té wo we dɔɔ, yé ko nyanama ’ko bɛ pa wo lee.

Kelewenu 9:36

Le do a zuomunu va Jopé, wa laama Tabita. Wa laama Grɛki dére gi Dɔkas, ’bɛ gi léé, gan. Éé nyanama zin kiɛre paan yé éé blɛ kɛla nyanégyɛzannu lɛ.

Kelewenu 9:39

Piɛri nwa yé wo go munu ’konu nya. Wo bɔ aan wo, wo go Piɛri nya kɔn nwiin kɔnné gi. Gyɛzaralomu Piɛri zi lɛ sɔɔ wuvɔle nya, yé varɔnu valé sɔnu lé lezan ’ko a kɛlɛ, ’té é a wo va, wa gɔɔn a lɛ.

Rom munu 12:13

Fɛnu lé Kazambale lé munu mawe ke a gi, ’ka a nɔ wo lɛ. ’Ka munu bɛn si é zima.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

1 Timoté 2:10

naa, ’wo ’lɛrɛ kɛlɛwe zinnu nya, lomu lé wo léé, Kazambale lé zi sɔ ’wo lɛ, é a é zima wozé nya fɛan zo, a zo.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

1 Timoté 3:7

É a lé flamunu a ma we zin fe, té é yaragyɛwe kɛlɛ yé é vɔ yonufaatagɔné lé sannu ’léé lo we gi.

1 Timoté 5:16

Krétiɛn lé, gyɛzaralomu ke alé kɔn gi, ’é bɔ wo va ma. Té ’bɛ é kɛlɛ kɔné nya léglizi nwiin lo, yé gyɛzaralomu lé wolé mi ’ka lo, léglizi ’é bɔ ’bɛnu va ma.

1 Timoté 5:25

A zo duo lé nyanama zin a é bɔrale, yé wo lé wo ’ka tan é bɔrale lo, wo ’ka bɔa vole lɛ é yɔɔle lo.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

2 Timoté 1:5

i blipale tegele sele a an gi. I bu Yunis valé ’bɛ bu Lois bli a é pale tegele é vinin, yé é dɔ an gi léé, i bli a é pale yee duo ɛ zo é ziin.

2 Timoté 2:21

Bɛwemalé, wenaanénu lé maa wo zuo fe bɛ, dé mian é wo si é gi yé a gi bɔ, é dan kɛlɛ lɛ bélé tɔbɔbɔ sauun zo, yé azan é dan tɔnɔ ye lɛ a ma, ’té é bɔalɛ léé, é nyanama zin faa pa a nya.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

2 Timoté 3:17

Kazambale lé mi kɛlɛle wéiin we gi, ’té a ma a é ’lɛrɛle wezin faa kɛlɛle we ma.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Tite 2:7

yé biibozen ’i kɛlɛ wolé wekɛlɛmazan nya wezin kɛlɛle gi. Yé we lé bé paan wo gi, ’é kɛlɛ webozen valé we tegele nya.

Tite 3:1

’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;

Tite 3:14

Yé é a lé ko we paa kolé munu gi léé, ’wo wezin kɛlɛ, fɛnu lé munu mawe ke wo gi é kele bɛ, a nɔle wo lɛ we ma, té wo kɛlɛ munu lé wo ’ka tɔnɔ yé lo, wo nya lo.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

Ébrunu 10:24

Kaa kaa ke bɛ dɔ plɛplɛ mi lɔrɔpale valé wezin kɛlɛle gi; we ’ko sele ’é dɔ kaa gi yifaama ma.

Ébrunu 13:2

Té ka gi é san bɛn sile ma lo. Naa, a kɛlɛle nya lé mi kenu yiana nɔ lanjenu lɛ, ’té wo ’ka a gi dɔɔa léé, wa lanjenu nya lo.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 4:9

’Ka ka ke bɛn si é zima, té ka kɛlɛ gun gyɛle nya lo.

3 Jan 1:12

Munu faa koo, wezen bozen koo, woo Démétrius ma we zin fé. Ko é ziin, ko a a ma we zin fena, yé bii a gi dɔɔ léé, we lé ko ke a fena a ma, é a webozen nya.