1 Timoté 4:8 - Kazambale lé Sebe Sauunu 1979

⁸ Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

1 Timoté 4:8 ပူးပေါင်းရင်းမြစ်များ

JOB (Job) 22:2

Kazambale éé tɔnɔ yé blami maa? Gba, wedɔɔzan éé we dɔɔan ébo lɛ.

JOB (Job) 36:11

Dé wo tɔné dɔ a lɛ yé wo ’wuo dɔ a wuo, Wo dan wolé yinu lɛ sɔɔ lɛ wezin yele nya, Wo dan wolé lɛɛnu nyaa lɛ ginanale nya.

Lɛrɛvɔ Sɛbɛ 145:19

Munu lé woo kanaan a lee, éé wolé blibɔmawenu lɛ sɔɔan, Éé wo siaale maan yé éé wo sié we gi.

Lɛrɛvɔ Sɛbɛ 37:11

Tɛrɛ éé voo nyanaizénlazannu zé nya, ’Té woo vole drɔɔ boen yé.

Lɛrɛvɔ Sɛbɛ 37:29

Tɛrɛ é dan kɛlɛ lɛ mi tegelenu zé nya, Yé wo dan nyana lɛ ana yifaama.

Lɛrɛvɔ Sɛbɛ 37:9

Naa, wo dan mi nyanénu zana lɛ a gi, Yé munu lé woo bli voo Gakelebale lɛ, tɛrɛ é dan kɛlɛ lɛ wozé nya.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Wegɔnévɔlenu 19:23

Kanale Gakelebale lee éé goo mi nya bélina; éé lɔrɔ sié mi ma yé éé yi gya drɔɔ, ’té wenaané do kpen ’ka kɛla a lɛ lo.

Wegɔnévɔlenu 22:4

Bo kiéné valé kanale Gakelebale lee ma tɔnɔ lé ke fuablele koo, tɔbɔle koo, vole é yuɛma koo, wo nya.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 33:16

Mi ’ko, é dan nyana lɛ fɛna nwale na; gɔlɛ plɛplɛ é dan kɛlɛ lɛ a yɔɔna nya. Wo dan fɛblele nɔ lɛ a lɛ, wo dan ’yi nɔ lɛ a lɛ, é ta nya drɔɔ.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Matio 12:32

Dé mian é wenyané fe maa blami Be ma, Bale é dan a ma we vo lɛ, naa, dé mian é wenyané fe Léli Sauun ma, Bale ’ka dan a ma we vo lɛ ’bɛ ma lo, dé é a tɛrɛ la ’ko nyaoo, dé é a tɛrɛ dɛrɛ lé é dan da lɛ bɛ, a ta nyaoo, Bale ’ka dan a ma we vo lɛ lo.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Maak 10:30

yé lao, tɛrɛ ’ko la, é ’ka wo lɛgi yé gɔnɔ yɔ soru lo, ’bɛzan ’ka lo; kɔnnu koo, bwenu koo, burunu koo, bunu koo, nénu koo, tɛrɛnu koo, é valé nyanéblelenu koo, é dan wo ye lɛ yé alé tɛrɛla nyaale zuo é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LÉ LUK A GYE (Évangile selon Luc) 5:38

naa, é a lé wo dɔrɔ dɛrɛ zén wikɔlɛkuo dɛrɛnu gi.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 3:22

dé é a Pɔl nyaoo, dé é a Apolɔs nyaoo, dé é a Séfa nyaoo, dé é a tɛrɛ nyaoo, dé é a vole é yuɛma nyaoo, dé é a gale nyaoo, dé é a laofɛnu nyaoo, dé é a fɛnu lé wo dan bɔra lɛ bɛ, wo nyaoo,

1 Korent munu 8:8

Fɛblele ’ka goo kaa nya Kazambale va lo. Dé kaa fɛ blé, ’bɛ ’ka kaa biéan a sɔnɔ lo. Dé kaa ’ka fɛ blé lo, ’bɛ ’ka kaa sié a ma baa lo.

1 Timoté 4:7

Naa, fiinnu lé leblanénu a vɔa, ’té woo Kazambale lé we gi sɛra bɛ, ’i wo yi ga.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

1 Timoté 6:6

Webozen nya, tawole Kazambale lé zi ta tɔnɔ a blɛn, ’té dé fɛ lé ke i lee, dé ’bɛ izé bɔa.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

Ébrunu 13:9

Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

Wegɔɔnle 3:12

Mian we ’ko ’wuo vo a lɛ, maa dan a kɛlɛ lɛ kɔn wɛyili nya anlé Bale lé kɔn blɛn gi, yé é ’ka dan bɔra lɛ ’bɛ gi é dɛrɛ lo; anlé Bale tɔ koo, anlé Bale lé fla lé é ke Jérusalɛm dɛrɛ lé é dan si lɛ la gi anlé Bale va yé é zun, a tɔ koo, an tɔ dɛrɛ koo, maa dan wo gyɛ lɛ a ta.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.