1 Timoté 4:7 - Kazambale lé Sebe Sauunu 1979

⁷ Naa, fiinnu lé leblanénu a vɔa, ’té woo Kazambale lé we gi sɛra bɛ, ’i wo yi ga.

1 Timoté 4:7 ပူးပေါင်းရင်းမြစ်များ

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

1 Timoté 1:4

té wobo pa fiinvɔle ma lo, té wobo pa ’wo tranu dɔgɔnɔ gɔɔnle lé é ’ka nyaan lo, ’té éé dan zavɔlenu nya bɛ, wo ma lo. Mi mawe lé Kazambale a bɛ pa ékema é kyɛn, we ’konu ’ka ’bɛ gɔɔn‐an mi lɛ lo; blipale nya lé mi éé ’bɛ gi maan.

1 Timoté 1:9

’té dé mi a gi dɔɔ léé, wo ’ka a kɛlɛ lɛ mi tegele lé we ma lo, naa, wa kɛlɛ wenyanékɛlɛzannu lé we ma. Mi lɛrɛlɛrɛnu koo, mi lɛgamazannu koo, Kazambale lé zi ma wenyané fezannu koo, wenyanékɛlɛzannu koo, munu lé wo ’ka bazoroan lo koo, munu lé wo Kazambale lé we yé boawe nya koo, ti valé bu gyɛmunu koo, migyɛmunu koo,

1 Timoté 2:10

naa, ’wo ’lɛrɛ kɛlɛwe zinnu nya, lomu lé wo léé, Kazambale lé zi sɔ ’wo lɛ, é a é zima wozé nya fɛan zo, a zo.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

2 Timoté 2:16

’I paa tɛrɛla boawenu fele ma, naa, munu lé woo wo fé, wolé Kazambale lé zi sɔnɔwe gi é dan gyɛ lɛ yifaama,

2 Timoté 2:23

Zavɔwe planu lé é ke tavowenu nya bɛ, ’i sɔn vɔ wo ma. Bé gi dɔɔ léé, woo ɛ dan wesialenu nya.

2 Timoté 3:12

Naa, munu faa lé é sɔ wo lɛ léé, ’wo tawo Kazambale lé zi ta tegele Jézu Krist gi, munu é dan nyané pa lɛ wo ta.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

2 Timoté 4:4

Wo dan ’wo tɔné si lɛ wezen ’male ta, yé wo dan ’wo tɔné dɔ lɛ fiinvɔlenu lɛ.

Tite 1:14

Te ’wo tɔné dɔ Juifinu lé fiinvɔlenu lɛ lo; munu lé wo yara si webozen ta, té ’wo wolé bélidɔwenu nyi si lo.

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 3:9

Naa, boa zavɔlenu koo, mi tranu dɔgɔnɔ gɔɔnle koo, wesialenu koo, bélidɔwe ta zavɔle koo, ’i paa wo ma. Wo tɔnɔ ’ka lo; wa we planu nya.

Ébrunu 5:14

Naa, fɛ plɛplɛ blele a munu lé wo tin, ’té wevasile wo kun, ’té a zin koo, a nyané koo, wa dɔɔ bɛ, wozé nya.