1 Timoté 4:6 - Kazambale lé Sebe Sauunu 1979

⁶ ’I we ’konu nagɔɔn bwenu lɛ, yé i dan kɛlɛ lɛ Jézu Krist va nyanamapazan zin nya, yé i dan a gɔɔn lɛ léé, Bale lé we gi dérenu valé wepaale zin lé i goo a zuo tegele bɛ, wa biibozen lé fɛblele nya.

1 Timoté 4:6 ပူးပေါင်းရင်းမြစ်များ

Lɛrɛvɔ Sɛbɛ 19:7

Éé nwaan la glɛ do sina, Yé élé vlanburule ’wuo plaan a glɛ koɛzan ta; Yé fɛan a bile plɛplɛ ’ka ’naan ’bɛ ma lo, ’bɛ fɛ ’ka lo.

Wegɔnévɔlenu 4:2

naa, maa we zin gɔɔn‐an ka lɛ, té ka sɔn vɔ anlé wepaale ma lo.

Jérémi 15:16

Maa i dérenu ye yé maa wo ble; i dérenu a an bli gi néné yé woo an gi nanaan; naa, Gakelebale, lai sunyanu lé Bale, wo i tɔ laan an ta.

Matio 13:52

É lé wo lɛ léma: Bɛwemalé, sɛbɛ?-?gifezannu faa lé wo Kazambale plale mi nwiin lé we dɔɔ, wa bélé kɔnzan lé éé fɛ dɛrɛnu valé fɛ kwanu sié élé fɛwezannu va, a zo.

WENÉNÉ LÉ LUK A GYE (Évangile selon Luc) 1:3

Yé maa é ziin, an vo we ’konu faa gi kulina tirilii, é sia a pélisiana ma, amalé é dɔ an gi léé, é a é zima léé, maa wo zuo fe i lɛ sɛbɛ gi wo bɔbɛ yɛrama do do,

Kelewenu 1:15

’Bɛ bléyi va, bwenu lé wo ke é zénle ékeva, dé wa mi yɔ suiɛdo? yé Piɛri nwa wo méléna yé é léé:

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Rom munu 15:15

Naa, duowo, zin lé Kazambale a kɛlɛ an lɛ an kɛlɛle Jézu Krist lé nyanamapazan nya bɛnnu méléna we gi bɛ, alé we ma lé an sɛbɛ gyɛ ka lɛ an dére plɛplɛ nya, we kenu sele dɔle ka gi we ma.

1 Korent munu 4:17

Bɛwemalé maa Timoté nwunvɔ ka lɛ, yee ɛ ke anlé blibɔmané nya; é a yarapawelazan nya Mizan gi; anlé Krist gi tawobɛ lé maa paan munu gi léglizinu faa gi, é dan a sele dɔ lɛ ka gi.

2 Korɛnt Munu 11:23

Wo léé, ’wa Krist gi nyanamapazannu nyaa? Maa a we fena bélé tavozan zo. Yé maa nii? Maa ’ka ’bɛ nya loo? Anzé gié wozé ta. An nyanama pa é baba é mini wo ta; wo an bla é baba é mini wo ta, wo an vɔ bokɔn gi, ’bɛ gié wozé ta baa, yé maa anbo bɔra ga lɛ gɔnɔ kiɛre.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

2 Korɛnt Munu 6:4

Ko kle ble, fɛ nyaan ko lee, ko nyané ble, wo ko bla, wo ko vɔ bokɔn gi, flamunu nwa ko ma, ko nyanama pa, ko vo é vuole é béli, ko lɔrɔ sɔn. We ’konu faa gi, ko bli kɛlɛ tiéé é baba yé kobo gɔɔn Kazambale wuomunu nya.

Éfez munu 6:21

Kaa sɔlɛbwe Tisik, yarapawelazan wuozan Mizan gi, é dan an tawe faa fe lɛ ka lɛ, ka é ziin, an mawe koo, an kɛlɛwe koo, kalé a faa dɔɔle we gi.

Filip munu 2:20

Naa, mian a bli ke an bli zo, ’té kalé we ke blɛn a bli gi bɛ, dé é ’ka Timoté nya lo, a bɛ ’ka lo.

Filip munu 2:22

Wo Timoté gi dan fɛan zo bɛ, ka a gi dɔɔ. Wenéné gi gyɛle we ma é nyanama pa an va bélé fɛan zo lé mi be éé nyanama paan é ti va, a zo.

Filip munu 3:16

Naa, é a lé kaa tawo we faa lé kaa a dɔɔ, a yɛrama.

Kolɔs munu 2:19

Yé Jézu lé é ke ’wuo nya, é ’ka paan ’bɛ ma lo, dɔlé ’té kɔlɛ faa lé é ke é kunle ékema, ’té é ke é zénle ékema plɛplɛ wɔlɛvɔna é ke ’léénu valé miinnu nya bɛ, ’wuo ma lé éé tin‐é, fɛ tinbɛ lé éé sié Kazambale va, a nya.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Kolɔs munu 4:7

Kaa sɔlɛbwe Tisik, yarapawela nyanamapazan, an va nyanama pa béé Mizan gi, é dan an tawe faa fe lɛ ka lɛ.

1 Tɛsalɔnik munu 3:2

yé ko zuané Timoté lé é ke Kazambale wuozan nya Krist lé Wenéné gi, maa a pa ka lɛ zia, léé, ’é ka bli ta dɔ plɛplɛ, yé ka bli ’é vo Kazambale lɛ tegele,

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

1 Timoté 4:16

’I yuɛ pa ibozen valé ilé we paale va; ’i yara pa we ’konu ta. Naa, dé i wo kɛlɛ i dan ibozen si lɛ we gi, yé wo lé woo i dére maan, i dan wo si lɛ we gi é ziin.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

2 Timoté 1:6

Bɛwemalé an we plaan i lɛ léé, Kazambale lé blɛ lé é a kɛlɛ i lɛ an bɛnu plale i ta nya bɛ, bé kyɛ dɔ é ziin.

2 Timoté 3:10

Naa, anlé wepaale koo, an giébɛ koo, an yuɛgi do koo, anlé blipale koo, an bli tiéé koo, anlé sɔlɛle koo, an yara pale we ta koo, anlé kleblelenu valé anlé nyanéblelenu koo, bii ɛ gi dɔɔ é zima. Nyané kyɛn lé maa ’ka a ble lɛ Antiɔs koo, Ikonium koo, Lisitre koo, wona loo? Kle kyɛn lé an ’ka an ’wuo dɔ lɛ a wuo loo? Naa, Mizan an si wo faa gi.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Tite 2:1

Naa, bii, wenu lé é ke wepaale tegele yɛrama, ’i wo ɛ fe ma.

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,

2 Jan 1:9

Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.

SEBE LÉ JUD A GYE (Épitre de Jude) 1:5

We lé é kɛlɛ Izraɛl munu lɛ, ka a gi dɔɔ é zima, naa, duowo, maa a a sele dɔna ka gi. Mizambale Izraɛl munu si Éjipiti tɛrɛ la, yé ’bɛ zuo wo vamunu lé wo bli ’ka é pale lo, é wo gyɛ. Yee kaan loo?