1 Timoté 4:10 - Kazambale lé Sebe Sauunu 1979

¹⁰ Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

1 Timoté 4:10 ပူးပေါင်းရင်းမြစ်များ

Lɛrɛvɔ Sɛbɛ 107:2

Munu lé Gakelebale wo tabo, Yé é wo si wo nyanézannu lee,

Lɛrɛvɔ Sɛbɛ 118:8

Vɔle Gakelebale zi fila vɔ É mini vɔle mi zi lɛ;

Lɛrɛvɔ Sɛbɛ 36:6

Gakelebale, ilé zin bɔ fɔɔ la gi, I yarapale we la éé goo fɔɔ la ma.

Lɛrɛvɔ Sɛbɛ 37:40

Gakelebale éé bɔa wo va, yé éé wo soo we lee; Éé wo soo mi nyanénu lee yé éé wo sié we gi, Wo wo yɔɔna nagini a va, azama.

Lɛrɛvɔ Sɛbɛ 52:8

Mi tegelenu é dan ana ye lɛ, yé wo dan kana lɛ, Yé wo dan we nana lɛ a ma.

Lɛrɛvɔ Sɛbɛ 84:12

Naa, Bale, Gakelebale a yiri nya; é a mi takuunzan nya, Gakelebale éé zin valé fua no mi lɛ, Munu lé gun ’ka wolé tawobɛ ma lo, é ’ka sɔn vɔa zin do kpen kɛlɛle ma wo lɛ lo.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Jérémi 17:7

Mian éé paan Gakelebale ta, ’té a bli ke Gakelebale lɛ, ’Bɛzan drɔɔ a é vole.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 4:42

yé wo lé lezan lɛ léé: Ko bli ’ka vo lɛ a lɛ we lé bé fe bɛ, ’bɛ saa ma lo. Kobozen a dére ’ma koboan, yé ko a gi dɔɔ léé, é a tɛrɛlamunu faa siéwegizan nya webozen nya.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

2 Korɛnt Munu 1:10

Kazambale ko si ga ’ko lee, yé ko bli a a lɛ léé, é dan ko si lɛ a lee é ziin; iin, é dan ko si lɛ a lee yifaama,

1 Timoté 2:3

’Bɛ ɛ ke é zima, ’bɛ ɛ ke é sɔke kaa Siéwegizan Bale yuɛ gi;

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

Ébrunu 11:26

A sɔnɔ lé wa wo Krist lé we ma, é a ye fuafɛ blɛn nya é mini Éjipiti fuafɛnu ta, naa, a bli a é gooli lɛ tegele.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.