1 Timoté 4:1 - Kazambale lé Sebe Sauunu 1979

¹ Naa, Kazambale Léli lé wéiin léé, bléyi voélanu nya mi kenu é dan si lɛ Kazambale lé we gi yé wo dan ’wo péli vɔ lɛ misaanyonu valé yonu lé wepaale va.

1 Timoté 4:1 ပူးပေါင်းရင်းမြစ်များ

Wepélisiananu 3:13

Yé Bale, Gakelebale lé lezan lɛ léé: Mɛmalé i ’bɛ kɛlɛɛ? Lezan ézé fe léé: Méné dabli kɛlɛ an lɛ yé maa a ble.

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Jérémi 23:26

Balelayezan ’konu, é sɔ wo lɛ léé, wo balelawe fe vié nya yifaamaa? Yé dabliwe lé é ke wo bli gi, yee lé wa fé balelawe fele nya yifaamaa?

Jérémi 48:47

Naa, bléyi voéla gi, maa dan Moab munu si lɛ luu gi, maa Gakelebale ɛ ke a fena. A zo lé maa dan Moab zé we ’wuo dɔ lɛ.

Jérémi 49:39

Naa, é voéla, Élam munu lé wo ke luu gi, maa dan da lɛ wo nya. Maa Gakelebale ɛ ke a fena.

Ézékiɛl 1:3

Gakelebale we fe maa balelayezan Buzi be Ézékiɛl lɛ, Kaldé munu lé tɛrɛ la, Kébaa yuu sɔnɔ. ’Bɛna lé Gakelebale bɔra an va.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Misé 4:1

Bléyi voéla gi, é dan kɛlɛ lɛ léé, Gɔ lé Gakelebale lé kɔn ke a nwiin, É dan mini lɛ gɔ blɛnnu ta, É dan nwa lɛ gɔpanénu ta loru, Yé munu é dan yoro lɛ a vazia.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Matio 18:7

We tɔntɔn ’é kɛlɛ tɛrɛlamunu lɛ diérawenu lé we ma. É a lé diérawenu é bɔ, naa, mian é da mi diérawe nya, we tɔntɔn ’é kɛlɛ ’bɛzan lɛ ma.

WENÉNÉ LÉ LUK A GYE (Évangile selon Luc) 17:1

Jézu lé é zuomunu lɛ léé: É ’ka kɛlɛ lɛ léé, diérawe ’ka kɛla lo lo, naa, mi lé é da diérawe nya, a gale nyɔ.

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

Kelewenu 13:2

Wa Mizambale bɔna bléyian va, ’té woo lɔrɔ sɔn‐o, Léli Sauun léma: ’Ka Banabas valé Sɔl pa é yɛrama, nyanama lé maa wo laa a ma, wolé a pale we gi.

Kelewenu 17:18

Migivuruzannu palu fié lé wo wo laama épikuri valé sitoisi, wo va mi kenu kun wefele ma a lɛ. Yé wo va mi kenu léé: Boawefezan ’ko, é a mɛ we ɛ fenaa? Yé dé wo va mi bɛnu a ’ma léé, é a Jézu valé mi nwale gale va lé we ɛ fena, wo léé: É dɔ ko gi léé, é a bale bɛnu ɛ lé we fena.

Kelewenu 20:23

Naa, fla faa la Léli Sauun lé an lɛ léé, gɔgɔbalenu valé nyanéblelenu a an lɛbɛnna.

Kelewenu 21:11

yé ’bɛ bɔ ko ma. É Pɔl lé kyɛsidi si, yé ébo ganenu valé ébo bɛnu yere a nya yé é léé: We lé Léli Sauun a fe, yee lé é ke ’ko: Mi lé é ke kyɛsidi ’ko zan nya, fɛan zo lé maa anbo yere ’ko, a zo duo lé Juifinu é dan azan yere lɛ Jérusalɛm yé wo dan a pa lɛ bɛn bɛnu lee.

Kelewenu 28:25

Wo kini aan wo ékema ’té woo za vɔa, Pɔl we sɛné fe é ziin yé é lé wo lɛ léé: Wezen lé Léli Sauun a fe ka tranu lɛ balelayezan Ézai lɔlu nya; é léé:

1 Korent munu 10:20

Naa, fɛan woo saraka boo a nya, yobanfɛ lé. Kazambale banfɛ kaan lo. Yé maa ’ka a va léé, ka nana yonu nya lo.

1 Korent munu 11:19

Yé é a lé ka gi é bɔi, yé ’bɛ nya lé munu é dan mi zinnu dɔɔ lɛ.

1 Korent munu 12:11

Naa, Kazambale Léli do kpen duo ɛ blɛ ’konu faa kɛla, yé éé wo gulian munu faa do do ma élé blibɔmawe yɛrama.

1 Korent munu 2:10

Naa, Kazambale kaa bɔn‐in kini é Léli nya, yé kaa a dɔɔ. Kazambale Léli éé we faa gi maan. Dé é a Kazambale lé wewɔlɛ ma nyaoo, éé a gi maan.

2 Korɛnt Munu 11:3

Naa, fɛan zo lé méné Eve saan élé dabli kɛlɛle nya, an kana léé, dé ka ’wuo é da sɛrɛ yé ka ’ka Krist kunwo ka bɛ fié nya yé ka vo a va loo?

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Bélidɔwesɛbɛ Fiézan 4:30

Dé ka a nyané blena, dé we tɔntɔn ’konu faa bɔ ka ma, yi voélanu gi ka dan nɔla lɛ Gakelebale kalé Bale va, yé ka dan ka tɔné dɔ lɛ a dére lɛ;

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

2 Timoté 4:4

Wo dan ’wo tɔné si lɛ wezen ’male ta, yé wo dan ’wo tɔné dɔ lɛ fiinvɔlenu lɛ.

SEBE LÉ JAK A GYE (Épitre de Jacques) 3:15

’Bɛ zo wedɔɔle ’ka sié lagi loru lo; naa, tɛrɛla zé lé; mi dɔbɛ kyɛn zé lé; yo zé lé.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 2:29

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Wegɔɔnle 3:13

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:22

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:6

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;