1 Timoté 3:6 - Kazambale lé Sebe Sauunu 1979

⁶ Té é kɛlɛ mi lé é bli nɔla é dɛrɛ, a nya lo, dé é da fan boblɛn nya yé ban lé wa dɔ yonufaatagɔné nwiin, dé wo da yee ban duo dɔ a nwiin.

1 Timoté 3:6 ပူးပေါင်းရင်းမြစ်များ

2 Minwiinzannu 14:10

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, i gi ’é nana i tɔ gi yé ’i vo i va. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

2 Minwiinmunu lé Wezuofe Sɛbɛ 26:16

Naa, dé é dɔ plɛplɛ, a bli a saan. É wenyané kɛlɛ Gakelebale élé Bale ma. É wɔra Gakelebale bangikɔn gi lasikɔrɔ kyɛblele we ma lasikɔrɔ kyɛblena.

2 Minwiinmunu lé Wezuofe Sɛbɛ 32:25

Naa, Ézékia bli nwa boblɛn nya, yé é ’ka Gakelebale bɔvɔ lɛ we zin lé Gakelebale a kɛlɛ a lɛ, alé we ma lo. Gakelebale bli fli a ma, yee valé Juda valé Jérusalɛm ma.

Wegɔnévɔlenu 18:12

Mi lé é ébo kɛla blɛn, a guruzanale a gi bɔ é pu; naa, bo kiéné ɛ dan tɔbɔle nya.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

WENÉNÉ LÉ LUK A GYE (Évangile selon Luc) 10:18

Jézu lé wo lɛ léé: Maa Satan ye sina la gi yé é zun bélé lɛɛ yuɛ wuovɔle zo.

1 Korent munu 3:1

Bwenu, maa ’ka bɔa wefele lɛ ka lɛ bélé fɛan zo lé ka a lélimunu nya, a zo lo. Maa we fé ka lɛ bélé fɛan zo lé ka a tan ka dɔbɛ kyɛn gi, a zo, bélé fɛan zo lé ka a né kiénénu nya Krist gi, a zo.

1 Korent munu 8:1

Dé é a yobanwinu lé we nya, ko faa ’bɛ gi dɔɔ wéiin. Wedɔɔle éé mi bliian boblɛn nya; naa, sɔlɛle éé mi dɔa gligli.

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

Bélidɔwesɛbɛ Fiézan 17:20

’Bɛ zo lé é ’ka dan ébo kɛlɛ lɛ blɛn é bwenu ma lo, yé é ’ka dan si lɛ bélidɔwe ’konu va yé é nɔla, dé a bɛyilazia léé, dé a bɛbolazia léé, ana lo, yé é dan mɔn lɛ élé plale mi nwiin zi, yé yee valé élé nénu é dan mɔn lɛ Izraɛl.

Bélidɔwesɛbɛ Fiézan 8:14

’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

1 Timoté 3:7

É a lé flamunu a ma we zin fe, té é yaragyɛwe kɛlɛ yé é vɔ yonufaatagɔné lé sannu ’léé lo we gi.

1 Timoté 6:4

’té é a é fanle boblɛn nya; ’té é ’ka we do kpen dɔɔa lo; we planu laale valé zavɔdérenu fele ɛ ke a ’wuo gi gwe nya. Maawole koo, zɔdɔle koo, mi tɔ sɛrɛwenu koo, ’wuo gi nyané bɔrɔle mi ma koo, yee ɛ ’wuo gi lé woo sié;

2 Timoté 3:4

wo dan mi liwo lɛ; wo dan ’wii lɛ we la; wo dan blii lɛ boblɛn nya; wobozen ginanawe ɛ dan sɔ lɛ wo lɛ yé ’bɛ é mini Bale sɔle wo lɛ ta;

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

2 Piɛri 2:4

Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?