1 Timoté 3:2 - Kazambale lé Sebe Sauunu 1979

² É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

1 Timoté 3:2 ပူးပေါင်းရင်းမြစ်များ

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LÉ LUK A GYE (Évangile selon Luc) 2:36

Balelaye le do ana é ziin, é a Azɛɛ mi Fanuɛl lu Ane nya. É a leblané nya; é bo si aan wo é vo bofla lɛɛ sɔrafié.

Rom munu 12:13

Fɛnu lé Kazambale lé munu mawe ke a gi, ’ka a nɔ wo lɛ. ’Ka munu bɛn si é zima.

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

1 Timoté 3:12

É a lé léglizi wuozannu é kɛlɛ na do kpen zan nya, ’té woo ’wolé nénu valé ’wolé kɔngimunu lé wenu yuɛ gi boo é zima.

1 Timoté 3:8

Léglizi wuozannu é ziin, é a lé wo kɛlɛ mi tegelenu nya. ’Wo si dabliwenu koo, nwɛ minile baba koo, bli bɔle gɔɔli ma koo, wo ma baa;

1 Timoté 4:3

Munu ’ko, wa yi gaan munu lee léé, té wo le si lo; yé fɛblelenu lé Kazambale a kɛlɛ léé, munu lé wo ke Bale lé we gi ’té wo webozen dɔɔ, ’wa ble bɔvɔle nya bɛ, wo fɛ ’konu blele yi gaan ’bɛnu lee.

1 Timoté 5:10

dé wa ma we zin fé alé wezin kɛlɛle ma, dé éé nénu paan, dé é a bɛn sɔlɛzan nya, dé éé Kazambale lé munu gane ma folié, dé éé bɔa nyanéblemunu va, dé éé wezin gɔnɔ faa kɛla, ’wo ’bɛzan tɔ gyɛ ma.

1 Timoté 5:22

Té i bɛnu pla mi do ta é kele a dɔle mi zilɛzan nya we gi lo, dé alé wenyanénu é da dɔ i nwiin. Biibozen, ’i vo sauun.

1 Timoté 5:9

Dé gyɛzaralean lɛɛ yɔ yaa ’ka tan bɔ lɛ lo, té wa tɔ gyɛ lo; naa, dé é ’ka tan bo fié si lɛ lo,

2 Timoté 2:24

Naa, té Mizan wuozan é we sia lo. ’É kɛlɛ blidrɔɔzan nya mi faa va ma. É a lé é kɛlɛ mi lé éé we paan munu gi é zua, a nya; a bli ’é kɛlɛ tiéé ma.

Tite 2:2

’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

Ébrunu 13:2

Té ka gi é san bɛn sile ma lo. Naa, a kɛlɛle nya lé mi kenu yiana nɔ lanjenu lɛ, ’té wo ’ka a gi dɔɔa léé, wa lanjenu nya lo.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

1 Piɛri 4:9

’Ka ka ke bɛn si é zima, té ka kɛlɛ gun gyɛle nya lo.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.