1 Timoté 3:16 - Kazambale lé Sebe Sauunu 1979

¹⁶ Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 3:16 ပူးပေါင်းရင်းမြစ်များ

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

Matio 28:2

Tɔɔn, tɛrɛ ma nyɔɔn plɛplɛ yé Mizambale lé lanje do si la gi yé é gɔlɛ ’ko burula yé é nyana a ta.

Matio 3:16

Jézu batizéwole zuo é si ’yi va tɔɔn, la lɛ so, yé é Kazambale Léli ye zunna ’é ta é kɔlɛ nya bélé plala zo.

Matio 4:11

Yé yonufaatagɔné daan a ma. Yé bé ye, lanjenu da Jézu va, yé wa mawe kɛlɛ.

Maak 1:13

É yi kɛlɛ ’bɛna yɔ fié, yé Satan a gi dan. É a bwigiwinu va, ’té lanjenu a mawe kɛla.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

Maak 16:5

Yé wo wɔra gɔlɛkoro gi, yé wo pɛniɛ do ye é nyanale ’wo bɛyila, varɔ fu grɔgrɔ do nya é ta. Wo gi nyɛ blɛn kini.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LÉ LUK A GYE (Évangile selon Luc) 20:44

David Krist laa ’ézan ’naan, é kɛlɛ kaa yé Krist kɛlɛ David be nyaa?

WENÉNÉ LÉ LUK A GYE (Évangile selon Luc) 22:43

Yé lanje do si la gi yé ’bɛ da a va a dɔle plɛplɛ we ma.

WENÉNÉ LÉ LUK A GYE (Évangile selon Luc) 24:4

Wo dɔ dan‐uun é pla, tɔɔn mi fié bɔra wo va sɔ nyananyana nya ’wo ta.

WENÉNÉ LÉ LUK A GYE (Évangile selon Luc) 24:51

Bléyian va lé é a wo drɔɔ vona é si wo va yé Bale goan la gi.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 20:12

yé é lanjenu fié ye, sɔ fu nya ’wo ta, é nyanale fɛana lé wo Jézu gale pa, ana, a do a a ’wuo vɔna zia, yé a do a a gane vɔna zia.

WENÉNÉ LE JAN A GYE (Évangile selon Jean) 6:62

Yé dé ka maa blami Be ye gona fɛana lé an ke é kyɛn, ana nii?

Kelewenu 1:19

Jérusalɛm munu faa we ’ko dɔɔ é zima, amalé wo féi ’ko tɔ pa wobo dére gi Akɛldama; ’bɛ gi léé, nyɛzanalaféi.

Kelewenu 10:34

Yé Piɛri kun wefele ma yé é léé: Wezen lé, maa a ye léé, Kazambale ’ka mi naginian é kɔlɛ ma lo.

Kelewenu 14:27

Wo bɔ aan wo, wo léglizigimunu zén ékeva. Yé we faa lé Kazambale a kɛlɛ wo nya, é valé fɛan zo lé Kazambale zi lɛ so bɛnnu lɛ yé wo wɔra alé we gi, wa zuo fe ’bɛnu lɛ.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 10:12

Glɛ ’ka é dɔle Juifinu valé Grɛkinu gi lo. Wo faa zan a do kpen, Mizan nya, yé é a é zin munu faa lé wa tɔ laan, wo lɛ.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Rom munu 16:26

naa, sin, a ta bɔra balelayemunu lé sɛbɛ gyɛle nya. Gakelebale a béli dɔ a zo, yé sin wa nagɔɔn bɛnnu faa lɛ, wo bli vole Kazambale lé we lɛ we gi yé wa lɛdɔma.

Rom munu 3:4

Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

1 Korent munu 15:47

Kazambale mi vininzan kɛlɛ tɛrɛ la vun nya. Mi fiézan si la gi.

1 Korent munu 2:7

Kazambale lé wedɔɔle lé ke givuruwe yɔɔle nya, ’té Kazambale a ma’lɛrɛ tɛrɛ bɔrale ’lɛ, ko tɔbɔle we ma, yee lé ko fé.

2 Korɛnt Munu 1:19

Naa, Kazambale Be Jézu Krist lé, maa koo, Silvɛn koo, Timoté koo, ko alé we fe ka méléna bɛ, é ’ka kɛlɛ lɛ iin valé gba nya lo; naa, yee ɛ ke iin nya.

Galasi munu 2:8

Naa, Kazambale lé é Piɛri ma’lɛrɛ yé é a kɛlɛ nwunvɔzan nya Juifinu va, yee Kazambale ɛ an kɛlɛ nwunvɔzan nya bɛn bɛnu va.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Éfez munu 6:19

’Ka bazoro an tɔ ma é ziin, léé, dé an kun Wenéné lé ke é yɔɔle, a fele ma, Bale ’é a fedére nɔ an lɛ yé maa fe anbo ma bli ta plɛplɛ nya.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Kolɔs munu 2:2

É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist.

2 Tɛsalɔnik munu 1:10

We ’ko é dan kɛlɛ lɛ yian nya lé é dan élé fua tagɔɔn lɛ élé munu gi, yé munu é dan Jézu ze vɔ lɛ ’bɛ yi nya, munu faa lé wo bli vo a lɛ, wolé we ma. Naa, wenayedére lé ko a fe ka lɛ, ka bli vo ’bɛ lɛ.

2 Tɛsalɔnik munu 2:7

Yé mi ple a élé nyanama pana tɛkɛ, naa, é a pana kyeen gi fɔɔ yé mi lé ’bɛ a bɔrale yi ga, yé ’bɛ é si ana.

1 Timoté 3:9

naa, ’wo Bale lé we wɔlɛma kun wo bɛ fié nya, ’té wolé wevasibli gi a sauun.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 7:7

Naa, mi segele ɛ mi kiéné drɔɔ voo, ’bɛ ’ka zavɔwe nya lo.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.

1 Jan 1:2

wo yee bélile nagɔɔn ko lɛ, yé ko a ye yé ko kɛlɛ a nayezannu nya, yé yee bélile lé a glɛ ’ka lo, é a Ti va yé é a nagɔɔn ko lɛ, yé yee lé ko ke a fena ka lɛ.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 17:7

Lanje lé an lɛ léé: Mɛmalé i gi vuruu? Le valé wi lé é ke é nyanale a ta, ’té a ’wuo ke sɔrafié yé a béli ke vu bɛ, maa dan wolé weyɔɔle gi bɔra lɛ i lɛ.

Wegɔɔnle 7:9

’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.