1 Timoté 2:8 - Kazambale lé Sebe Sauunu 1979

⁸ Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

1 Timoté 2:8 ပူးပေါင်းရင်းမြစ်များ

1 Minwiinzannu 3:11

Yé Bale lé a lɛ léé: I we ’ko laa an lee bɛ, yé mɔnle tɛrɛ la koo, fuanu koo, i nyanézannu gale koo, i ’ka wo laa lɛ izé nya lo, yé i wedɔɔle laa, we tegele kɛlɛle we gi,

JOB (Job) 16:17

Dɔlé ’té maa ’ka glawe do kpen kɛlɛ lɛ lo, Yé anlé bazorodére a yifaama tegele.

Lɛrɛvɔ Sɛbɛ 134:2

’Ka bɛnu soi fɛna sauun vazia, Yé ’ka Gakelebale drɔɔ vo.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 24:4

Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 26:6

An bɛnu ma folié ’té an nwiin a é pla, Oo Gakelebale, yé an giéma i banna zi,

Lɛrɛvɔ Sɛbɛ 28:2

Dé maa an bɛnu nwa ilé kɔn sauun vazia, Dé an siaa i lɛ, ’i tɔné dɔ anlé nyanainya dére lɛ.

Lɛrɛvɔ Sɛbɛ 35:13

Dé wa gyɛ kɛlɛna, an bɔlɔ zén an ta, Yé maa an boen kɛla kiéné lɔrɔ sɔnle nya, Yé an bazoroan an ’wuo vɔle nya an wuo.

Lɛrɛvɔ Sɛbɛ 63:4

Naa, ilé zin fila vɔ, ’bɛ mini vole é yuɛma lɛ, An lɔlunu i tɔ zin fele biéan.

Lɛrɛvɔ Sɛbɛ 66:18

Dé é kɛlɛ kɔɔn léé, weple é vo an bli gi, ’Té Mizan ’ka anlé bazorole nyi sié lo.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Matio 21:21

Jézu lé wo lɛ léé: Maa lé ka lɛ webozen nya léé, dé ka bli ’ka kɛlɛ lɛ fié lo, dé ka bli pa a gi, we lé maa a kɛlɛ bɔrɔyili lɛ, yee duo lé ka dan a kɛlɛ lɛ, yé é ziin, dé ka fe gɔ ’ko lɛ léé: ’I si ’ko, yé ibo vuli wɛyi va, é dan a kɛlɛ lɛ a zo.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

Matio 6:12

’i ko ma we vo, munu lé wo wenyané kɛlɛ ko lɛ, ko wo ma we vo fɛan zo, a zo.

WENÉNÉ LÉ LUK A GYE (Évangile selon Luc) 23:34

Jézu léé: An Ti, we lé wa kɛlɛna, wo ’ka a gi dɔɔa lo, amalé ’i wo ma we vo. Wo alé sɔnu guli ’wo ke ma ’munnu zunle nya.

WENÉNÉ LÉ LUK A GYE (Évangile selon Luc) 24:50

É go wo nya fɔɔ Bétani sɔnɔ, yé é bɛ pla wo ta, yé é wo drɔɔ vo.

WENÉNÉ LE JAN A GYE (Évangile selon Jean) 4:21

Jézu lé a lɛ léé: Lezan, maa fe i lɛ webozen nya, bléyi do é dan bɔ lɛ, ’bɛ bléyi va ka ’ka dan Ti bɔ lɛ gɔ ’ko nwiin lo, yé ka ’ka dan a bɔ lɛ Jérusalɛm lo.

Kelewenu 10:2

Mi ’ko a Bale lé zisɔlɛzan nya, yé yee valé élé kɔngimunu faa éé kanaan Bale lee. Éé blɛ kiɛre kɛla nyanégyɛmunu lɛ, ’té éé bazoroan Bale lɛ yifaama.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

Kelewenu 21:5

Naa, ko yi sɔraazan nya ko zi sia yé wo faa go ko dɔ lɛ zia, wo koo, wo nanu koo, wolé nénu koo, fɔɔ ko gane gi gana fla ma. Yé ko zun ko powuo ta wɛyi gɔ la yé ko bazoro.

Kelewenu 7:60

Yé é powuo zun tɛrɛ va, yé é siaa dére plɛplɛ nya léé: Mizambale, té i wenyané ’ko dɔ wo nwiin lo. Dére ’konu fele zuo, é yi gyɛ.

1 Korent munu 1:2

’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

1 Korent munu 7:7

É sɔ an lɛ léé, mi faa lé we é kɛlɛ bélé anzé zo. Naa, Kazambale éé blɛ do do kɛla mi faa do do lɛ.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

Filip munu 1:12

Bwenu, é sɔ an lɛ léé, ka a gi dɔɔ léé, we lé é bɔ an ma, é Wenéné gi gyɛ webozen nya.

1 Tɛsalɔnik munu 1:8

Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

1 Piɛri 3:7

’Kaa gɔnénu, le ’ka plɛplɛ bélé gɔné zo lo, amalé ’ka nyana ka nanu va wedɔɔle nya. Fɛan zo lé kabozen vole é yuɛma ye zin nya, a zo duo lé wa ye é ziin, amalé ’ka wo kun é zima, té kalé bazorole é sɛrɛ lo we gi.