1 Timoté 2:3 - Kazambale lé Sebe Sauunu 1979

³ ’Bɛ ɛ ke é zima, ’bɛ ɛ ke é sɔke kaa Siéwegizan Bale yuɛ gi;

1 Timoté 2:3 ပူးပေါင်းရင်းမြစ်များ

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

Rom munu 14:18

Mian éé Krist bɔa we yaa ’ko nya, ’bɛzan ɛ sɔ Kazambale lɛ, ’té ’bezan lé we a é zima munu yuɛ gi.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

1 Timoté 4:10

Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

1 Timoté 5:4

Dé gyɛzarale lé nénu a, ɛɛ, dé a nénénu a, é a lé wo bɔ wezin kɛlɛle lɛ wobozen lé kɔngimunu lɛ, yé fɛan zo lé wo ti valé wo bu wo pa ’té wa kiéné, é a lé wo yee duo kɛlɛ wo ti valé wo bu lɛ é ziin; naa, we ’ko sɔ Kazambale lɛ.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

1 Piɛri 2:20

Dé wo kle pa ka ta kabo lé wenyané kɛlɛle ma yé ka dɔ ’bɛ wuo, de ɛ ka tɔ bɔa ’bɛ we maa? Naa, dé ka dɔ klenu wuo kalé wezin kɛlɛle ma, ’bɛ a é sɔke Kazambale yuɛ gi.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.