1 Timoté 2:10 - Kazambale lé Sebe Sauunu 1979

¹⁰ naa, ’wo ’lɛrɛ kɛlɛwe zinnu nya, lomu lé wo léé, Kazambale lé zi sɔ ’wo lɛ, é a é zima wozé nya fɛan zo, a zo.

1 Timoté 2:10 ပူးပေါင်းရင်းမြစ်များ

Wegɔnévɔlenu 31:25

Éé plɛplɛ valé tɔbɔle zén‐é ’é ta sɔ nya yé éé yéri sié tɛlɛ tɛlama ma.

Wegɔnévɔlenu 31:31

’Ka a ban alé nyanama ma tɔnɔ nya ma, a kɛlɛwenu a tɔ zin fe flagɔrɔ ’léé ma.

Kelewenu 9:36

Le do a zuomunu va Jopé, wa laama Tabita. Wa laama Grɛki dére gi Dɔkas, ’bɛ gi léé, gan. Éé nyanama zin kiɛre paan yé éé blɛ kɛla nyanégyɛzannu lɛ.

Kelewenu 9:39

Piɛri nwa yé wo go munu ’konu nya. Wo bɔ aan wo, wo go Piɛri nya kɔn nwiin kɔnné gi. Gyɛzaralomu Piɛri zi lɛ sɔɔ wuvɔle nya, yé varɔnu valé sɔnu lé lezan ’ko a kɛlɛ, ’té é a wo va, wa gɔɔn a lɛ.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

1 Timoté 2:11

É a lé lomu ’wo tɔné dɔ wepaamigizan dére lɛ ’wo tadɔle nya, plale mi wuo bozen nya.

1 Timoté 2:9

É sɔ an lɛ é ziin léé, lomu ’é sɔ zén wo ta é zima, yaragyɛle nya, té ’wo ’wo ma bɔra lo; té wo ’lɛrɛ nwin tanle koo, kyan koo, wɛɛwɔlɛnu koo, sɔvlɛzannu koo, wo nya lo;

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

2 Piɛri 3:11

Fɛ ’konu ’yi bole lé we ma, é ’ka lé ka kɛlɛ sauun valé Bale lé zisɔlɛmunu nya ka giébɛ gi loo?

Wegɔɔnle 2:19

I kɛlɛwenu koo, ilé sɔlɛle koo, ilé blipale koo, ilé nyanama lé bé pa i yuɛ gi do nya koo, i yara pale we la koo, ilé nyanama voélanu lé é ke di é mini a vininnu ta koo, maa wo dɔɔ.