1 Timoté 2:1 - Kazambale lé Sebe Sauunu 1979

¹ Bɛwemalé an we plaan ka lɛ we bɛnu faa ’lɛ, ’ka fɛnu ma laa, ’ka bazoro, ’ka muun pa, ’ka Bale bɔ vɔ. ’Ka we ’konu kɛlɛ munu faa tɔ ma,

1 Timoté 2:1 ပူးပေါင်းရင်းမြစ်များ

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Jérémi 29:7

Fla lé maa go ka nya luu gi ana bɛ, ’ka kwa kuli léé, fla ’ko lé we ’é kɛlɛ é zin, naa, fla ’ko ta lé kalé ginanale éé sié, amalé ka bazoro a tɔ ma.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Rom munu 1:8

É vinin, we faa ’lɛ, maa anlé Bale bɔ vɔa Jézu Krist gi ka faa lé we ma, léé, ka tɔ a é bɔle blipale gi tɛrɛ faa la.

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

1 Korent munu 15:3

We bɛnu faa ’lɛ, wean wa paa an gi, yee lé maa a paa ka gi, yee lé ke léé: Krist ga kaalé we ma Bale lé sɛbɛ yɛrama;

2 Korɛnt Munu 8:6

Bɛwemalé, nyanama zima lé Tite a pale sia ka méléna, ko a lɛsɔɔle bɛ pa a lee.

Éfez munu 3:13

Yé é ziin, maa lé ka lɛ léé, té ka fuu é si ka ta klenu lé maa ke a blena kalé we ma, a ma lo; wa kalé tɔ nya.

Éfez munu 5:20

’Ka ka Ti Bale bɔ vɔ yifaama we faa ma, Kaazan Jézu Krist tɔ nya,

Éfez munu 6:18

Bléyi faa ma, ’ka ba gɔnɔ faa zoro Kazambale Léli nya yé ’ka zanté gɔnɔ faa vɔ Kazambale Léli nya. ’Ka yara pa we ’ko kɛlɛle ta ka sɔbɛla nya, yé ’ka bazoro Kazambale lé munu faa lé we ma.

Filip munu 1:3

Dé ka sele dɔ an gi béli vu, maa anzé Bale bɔ vɔa kalé we ma.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

1 Tɛsalɔnik munu 3:12

Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

1 Timoté 5:5

Le lé é ke gyɛzarale nya, ’té alé mi ’ka lo, ’té é ke é vole é do, a bli a Kazambale lɛ, yé éé yara paan fɛnu ma laale valé bazorole ta tu valé é kinile ma.

2 Timoté 2:24

Naa, té Mizan wuozan é we sia lo. ’É kɛlɛ blidrɔɔzan nya mi faa va ma. É a lé é kɛlɛ mi lé éé we paan munu gi é zua, a nya; a bli ’é kɛlɛ tiéé ma.

Tite 2:11

Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

Tite 3:2

té wo mi do tɔ sɛrɛ lo; ’wo kɛlɛ mi drɔɔnu nya; ’wo kɛlɛ mi bli dɔralazannu nya; ’wo kɛlɛ bli drɔɔzannu nya munu faa va.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

SEBE LÉ JAK A GYE (Épitre de Jacques) 5:16

Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.