1 Timoté 1:5 - Kazambale lé Sebe Sauunu 1979

⁵ Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

1 Timoté 1:5 ပူးပေါင်းရင်းမြစ်များ

Lɛrɛvɔ Sɛbɛ 24:4

Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Sofoni 3:7

Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Matio 12:35

Mi zin éé fɛ zimanu sié élé fɛwezan zimanu va, yé mi naané éé fɛ naanénu sié élé fɛwezan naanénu va.

Matio 5:8

Munu lé wo bɔn‐in ke fu, wa bɛan ’bɛ gi bɛ, ’bɛ a é zima wozé nya, naa, wo dan Kazambale ye lɛ.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

Kelewenu 23:1

Pɔl vo webolikinimunu ginina téiin, yé é lee: An bwenu, an tawo Kazambale ’lɛ fɔɔ yi ’ko nya ’té anlé wevasibli ’ka we dɔa an nwiin lo.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Rom munu 10:4

naa, Krist a bélidɔwe ’wuoplana nya, munu faa lé wo bli voo a lɛ, wo kɛlɛlɛ tegele we ma.

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

Rom munu 14:15

Dé i bwe bli kyɛ dɔ ilé fɛblele we ma, ’té i ’ka we kɛlɛna a vazia sɔlɛle nya lo. Mi lé Krist ga alé we ma, té bé saan ilé fɛblele lé we nya lo.

Rom munu 9:1

An gi kyɛ éé dɔa é baba, ’té an gi bɔrɔan yifaama. Maa a Krist gi, amalé maa webozen fé, yé Léli Sauun anlé wevasibli gi kini léé, maa ’ka vié wona lo.

1 Korent munu 13:1

Dé an munu valé lanjenu dérenu vɔoo, dé sɔlɛle ’ka an gi lo, ’té maa a bélé zéné lé é ke wena, a zo; dé ’bɛ kaan lo, ’té maa a bélé kɔa lé a dére ’ka néné lo, a zo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

1 Timoté 1:19

I bli ’é vo é pale yé té ilé wevasibli é we dɔ i nwiin lo. Mi kenu ’ka wo tɔné dɔ lɛ wolé wevasibli lɛ lo, yé wobo vuru Kazambale lé we gi.

1 Timoté 3:9

naa, ’wo Bale lé we wɔlɛma kun wo bɛ fié nya, ’té wolé wevasibli gi a sauun.

2 Timoté 1:3

Bale lé an tranu a bɔ, yee lé maa a bɔa wo pa gi, ’té anlé wevasibli ’ka we dɔa an nwiin lo. Maa yee Bale bɔ vɔa bladi nyanadi yé an ’ka daan i ma bazorole ma lo;

2 Timoté 1:5

i blipale tegele sele a an gi. I bu Yunis valé ’bɛ bu Lois bli a é pale tegele é vinin, yé é dɔ an gi léé, i bli a é pale yee duo ɛ zo é ziin.

2 Timoté 2:22

Wenu lé a lɔrɔ éé pɛniɛnu gya kaii bɛ, té wo lɔrɔ i gyɛ lo. Kɛlɛle tegele koo, blipale koo, sɔlɛle koo, vole drɔɔ koo, munu lé woo Mizan tɔ laan wo bɔn gi fu nya, wa kwa kulina wo yele we ma. ’I pa wo va yé ’ka kwa kuli wo nya.

Tite 1:15

Munu lé wo ke sauun, we faa a wo yuɛ gi sauun. Naa, munu lé wo tiri ke é dɔle, yé wo bli ’ka é pale lo, we do kpen ’ka ’bɛnu yuɛ gi we sauun nya lo. Wo gi bɔrɔle valé wolé wevasibli a é naané.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 13:18

’Ka bazoro kolé we ma; é sɔ ko lɛ léé, ko we faa kɛlɛ tegele, amalé é dɔ ko gi léé, kolé wevasibli ’ka we dɔna ko nwiin lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 3:16

’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Piɛri 4:8

We blɛn lé ke ’ko: ’ka sɔ ka ke lɛ é baba, naa, sɔlɛle éé wenyané kiɛre ta saan sɔɔn.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.