1 Timoté 1:17 - Kazambale lé Sebe Sauunu 1979

¹⁷ ’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 1:17 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 10:16

Gakelebale a minwiinzan nya yifaama, a glɛ ’ka lo, É bɛnnu nyaa élé tɛrɛ la,

Lɛrɛvɔ Sɛbɛ 106:48

Gakelebale, Izraɛlnu zé Bale, a drɔɔ ’é vo ma, Lɛɛfaama, a glɛ ’ka lo! Yé munu faa a fe léma: Amɛɛn! ’Ka Gakelebale tɔ zin fe!

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Lɛrɛvɔ Sɛbɛ 41:13

Anlé we a tegele, amalé i bɔ an va, Yé i an dɔ i ’lɛ yifaama.

Lɛrɛvɔ Sɛbɛ 45:1

Lɛrɛvɔzannu nwiinzan zé lé. ’Wa vɔ lɛrɛvɔafɛ lé wa laama bolu lé goo, a va. Koré kulunu ɛ vɔ. Bale tɔbɔlɛrɛ do lé. Sɔlɛle lɛrɛ lé.

Lɛrɛvɔ Sɛbɛ 45:6

Ilé sawɔlɛnu lɛa; Munu é dan dia lɛ i wuo; Ilé sawɔlɛnu é dan minwiinzan blɛn nyanézannu zuru fɔn lɛ.

Lɛrɛvɔ Sɛbɛ 57:11

Naa, ilé zin éé bɔa fɔɔ la ma, Yé i yarapale we ta éé bɔa fɔɔ latinu la.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 5:44

Ka a ka ke tɔ bɔna, yé Kazambale lé ’bɛ ke Bale nya é do kpen, ka ’ka a va léé, ’bɛ é ’wo tɔ bɔ lo; ka bɔa ka bli vole lɛ an lɛ kaa?

Rom munu 1:20

Weboen lé, Kazambale lé plɛplɛ lé a glɛ ’ka lo, é valé yee Bale dɔbɛ, mi ’ka wo yé ’é yuɛ nya lo, naa duowo, é sia tɛrɛ bɔra bléyi va, wo ta a é bɔrale wéiin; dé mi ’é gi bɔrɔ Kazambale kɛlɛwenu ma, éé Bale lé plɛplɛ valé a dɔbɛ yé kpaklaa, amalé munu dɔna ’ka lo.

Rom munu 1:23

yé Bale lé é ’ka gaan lo, wo alé fuasan tavɔɔ mi lé ’bɛ éé gaan, a yili nya, ’bɛ valé mianénu koo, ganelawinu koo, tawoplɛlawinu koo, wo yili nya.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

Rom munu 16:27

Bale lé é ke wedɔɔzan nya é do kpen bɛ, ’wa tɔ zin bɔ Jézu Krist lé we ma lɛɛfaama, té a glɛ é dɔ lo. Amɛɛn.

Rom munu 2:10

Naa, fuasan koo, tɔbɔle koo, vole drɔɔ koo, é dan kɛlɛ lɛ miomian é ke wezin kɛlɛna, azé nya, Juifinu zé ɛ ke é vinin, a zuo Grɛkinu.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

Ébrunu 11:27

Blipale nya lé é si Éjipiti tɛrɛ la, yé é ’ka kana lɛ minwiinzan blɛn lé bliflile lee lo, naa, é dɔ gligli, bélé fɛan zo lé mi lé wo ’ka a yé lo, éé ’bɛ yé, a zo.

Ébrunu 2:7

Bé kɛlɛ kiéné é mini lanjenu ta bléyi sɛ nya, I fuasan valé tɔbɔle nɔ a lɛ plale mi nwiin tɔmase nya.

1 Piɛri 5:11

Plɛplɛ a yee ɛ lee, lɛɛfaama, a glɛ ’ka lo. Amɛɛn.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:1

’Bɛ zuo, maa vun do ’ma la gi bélé mi gu blɛn dére plɛplɛ zo, ’té éé siaan léé: Aléluya! Mi sile we gi koo, tɔbɔle koo, plɛplɛ koo, wa kolé Bale zé nya;

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

Wegɔɔnle 7:12

yé wo léé: Amɛɛn! Tɔzinfele koo, kɛlɛle blɛn koo, wedɔɔle koo, bɔvɔle koo, tɔbɔle koo, plɛplɛ koo, gla koo, wa kolé Bale zé nya lɛɛfaama ma! Iiin, é a a zo.