1 Timoté 1:10 - Kazambale lé Sebe Sauunu 1979

¹⁰ pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

1 Timoté 1:10 ပူးပေါင်းရင်းမြစ်များ

Wepélisiananu 19:5

Wo Lɔt laa, yé wo lé a lɛ léé: Munu lé wo wɔra ilé kɔn gi kyɔ nyanadi, wa kyɛɛn? ’I wo bɔra ko lɛ ’ko, yé ko wo dɔɔ gɔné nya.

Wepélisiananu 37:27

Kaa a dan Ismaɛl munu lee ma, té ka wenyané kɛlɛ a lɛ lo; é a kaa zuané nya, kaa faa ti a do. Yé a bwenu dɔ a dére la.

Wepélisiananu 40:15

Naa, wo an si Ébrunu lé tɛrɛ la gla nya yé fɛkona boenwo, maa ’ka we do kpen kɛlɛ lɛ an vɔle bokɔn gi we nya lo.

Fwile 20:7

Té i Gakelebale, ilé Bale, tɔ fe é pla lo; mi lé é Gakelebale tɔ fe é pla, Gakelebale é dan ’é lɛdɔ lɛ ’bɛzan gi.

Fwile 21:16

Mi lé é mi sia kyeen nya, dé é a dan‐oo, dé é vo a leeoo, wo dan ga dɔ lɛ a nwiin.

OZÉ (Osée) 10:4

Wolé wefele a é boa, dé wo valé munu a ’wo gi pana do, woo bale kunwo vié nya; we lɛdɔle wo gi gɔn é dan bɔ lɛ bélé boyiékele zo vun dan gi.

Lévinu 18:22

Té i yi gyɛ gɔné va bélé le zo lo. Bozowe lé.

Lévinu 20:13

Dé mi do yi gyɛ gɔné bɛ va bélé le zo, wo bozowe kɛlɛ; ’wo we lɛdɔ wo gi ga nya; wo nyɛ a wobo nwiin.

Zakari 5:4

Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

Zakari 8:17

té ka vazan do kpen é gi bɔrɔ wenaané nya é bɔluzan ma lo, yé té bale kunle vié nya é sɔ ka lɛ lo. Wenu lé wo ’ka sɔ lɛ an lɛ lo, wo lé ke bɛ. A zo lé Gakelebale a fe.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Rom munu 1:26

Bɛwemalé Kazambale wo nɔ ’wolé blibɔmawenu lé ke yaragyɛwe baba nya, wo lɛ; naa, we lé le valé gɔné a kɛla, wo ’bɛ vo, yé we lé le valé le ’ka a kɛla lo, wolé lomu ’bɛ kɛlɛ.

Bélidɔwesɛbɛ Fiézan 24:7

Dé mi do é bwe Izraɛl lé mi do kyeen wo, dé é a kɛlɛ élé luu nyaoo, dé é a dan‐oo, dé wa ye wo dan we lɛdɔ lɛ kyeenzan ’ko gi a gale nya. ’Bɛ zo lé ka dan wenaané si lɛ ka méléna.

1 Timoté 4:6

’I we ’konu nagɔɔn bwenu lɛ, yé i dan kɛlɛ lɛ Jézu Krist va nyanamapazan zin nya, yé i dan a gɔɔn lɛ léé, Bale lé we gi dérenu valé wepaale zin lé i goo a zuo tegele bɛ, wa biibozen lé fɛblele nya.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

2 Timoté 1:13

Wezinnu lé maa wo paa i gi bɛ, ’i yara pa wo ta tawole ta blipale valé sɔlɛle lé i wo ye Jézu Krist va, a nya.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Tite 1:13

Webozen lé é a fe. Bɛwemalé ’i we vɔ wo lɛ yara plɛplɛ nya, wolé blipale kɛlɛle tegele we ma.

Tite 1:9

é a lé é dɔ dére bozen lé wa paan munu gi bɛ, a ta; dé é a ’bɛ zo mi nya é bɔalɛ léé, é we pla munu lɛ wepaale tegele yɛrama, yé é zavɔmunu lɔlu ga.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 18:13

zian pun kanɛl koo, lia ginzannu koo, lasikɔrɔ koo, miré koo, lasikɔrɔpo koo, dɔrɔ koo, nyɔnɔ koo, burupun zima koo, buruwɔlɛ koo, dirinu valé ’blanu koo, wisoonu valé wisoogoronu koo, munu kɔlɛnu valé wo boennu koo, wo ’ka dan yaawo lɛ wo do kpen nya ana é dɛrɛ lo, amalé wa wuvɔna.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.