1 Timoté 1:1 - Kazambale lé Sebe Sauunu 1979

^1-2 Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

1 Timoté 1:1 ပူးပေါင်းရင်းမြစ်များ

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 43:11

Maa, maa ɛ ke Gakelebale nya, Yé dé é ’ka maa nya lo, misiéwegizan bɛ ’ka lo.

Ézai 43:3

Naa, maa a Gakelebale ilé Bale nya, Maa a Izraɛl lé Mi Sauun nya, i siéwegizan nya; Maa Éjipiti nɔ i tabofɛ nya, Maa Étiopi valé Saba nɔ i pa gi.

Ézai 45:15

Naa, Izraɛl lé Bale, Misiéwegizan, Bii a Bale lé ébo yɔɔan, a nya.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

WENÉNÉ LÉ LUK A GYE (Évangile selon Luc) 2:11

Yee lé é ke ’ko: Mibélizan lé ke Krist nya, Mizan nya, waa yaa ka lɛ kyɔ, David lé fla.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

1 Korent munu 1:1

Maa Pɔl lé Kazambale an laa léé, an kɛlɛ Jézu Krist lé nwunvɔzan nya alé blibɔmale nya, maa valé bwe Sositɛne, ko ɛ ke sɛbɛ ’ko gyɛna ’kaa Korɛnt munu lɛ.

1 Korent munu 9:17

Dé é kɛlɛ léé, maa a kɛla anbozen lé blibɔmawe yɛrama, ’té maa a ma gooli sié; naa, dé maa ’ka a kɛla anbozen lé blibɔmawe yɛrama lo, ’té nyanama lé Bale a bɛ pa an lee, ’té yee lé.

2 Korɛnt Munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ’kaa Korɛnt munu lɛ. ’Kaa Kazambale lé léglizigimunu lé ka ke Korɛnt, ko we ka va. ’Kaa Kazambale lé munu faa lé ka ke Akai tɛrɛ faa la, ko we ka va. Sɛbɛ ’ko a kazé nya é ziin.

Galasi munu 1:1

’Kaa léglizigimunu faa lé ka ke Galasi tɛrɛ la, ko we ka va. Maa Pɔl valé bwenu faa lé wo ke an va ’ko, ko ɛ ke sɛbɛ ’ko gyɛna ka lɛ. Maa Pɔl, maa a nwunvɔzan nya; munu ’ka an dɔ lɛ ’bɛ nya lo, yé mi do kpen ’ka an nwunvɔ lɛ lo. Naa, Jézu Krist valé Tibale lé é Jézu nwa gamunu va bɛ, wo ɛ an dɔ, yé wo ɛ an nwunvɔ.

Galasi munu 1:11

Bwenu, maa lé ka lɛ léé, Wenéné lé maa a fe ka lɛ, é ’ka si lɛ munu va lo.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

1 Timoté 2:3

’Bɛ ɛ ke é zima, ’bɛ ɛ ke é sɔke kaa Siéwegizan Bale yuɛ gi;

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

1 Timoté 4:10

Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

Tite 1:3

Yé sin, a bléyi bɔ, vole é yuɛma lé we na a é gɔɔnle munu lɛ kpaklaa, wefele lé é a bɛ pa an lee ko Siéwegizan Bale dére ta bɛ, a nya.

Tite 2:10

té wo fɛ do kpen kyeenwo lo; naa, ’wo yara pa we la tegele yifaama, yé munu é kaa Siéwegizan Bale lé wepaale ze vɔ.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Tite 3:4

Naa, dé ko Siéwegizan Bale élé wezin valé élé mi va sɔlɛle gɔɔn munu lɛ bléyian va, é ko si we gi.

Tite 3:6

É Léli Sauun lé plɛplɛ nɔ ko lɛ kiɛre ko Siéwegizan Jézu Krist lé we ma, léé,

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.