1 Samuɛl 8:7 - Kazambale lé Sebe Sauunu 1979

⁷ Gakelebale lé Samuɛl lɛ léé: We faa lé munu a fena i lɛ, ’i tɔné dɔ wo lɛ; naa, wo ’ka sɔn vɔna i ma lo, an ma lé wo ke sɔn vɔna, té ’an pla wo nwiin lo we ma.

1 Samuɛl 8:7 ပူးပေါင်းရင်းမြစ်များ

Fwile 16:8

Moizi léé: Gakelebale é dan wi nɔ lɛ ka lɛ é nyanadi ’ko, yé tɛlɛ bladi ka dan kan lɛ buru nya, gun lé ka a gyɛ Gakelebale ma, é a ’ma, ’bɛzama; naa, ko a de ɛ nyaa? Ko ma‐an ka gun gyɛ lo, Gakelebale ma lé ka kɛlɛ.

Ézai 66:4

Maa é ziin, an gi é dan nana lɛ we tɔntɔn lé é dan bɔ lɛ wo ma bɛ, a ma, yé maa dan da lɛ wo kanamawe nya wo lɛ; maa wo laa, yé wo ’ka we lɛ lo, azama; maa we fe wo lɛ yé wo ’ka tɔné dɔ lɛ an lɛ monomono lo, azama. Naa, wo wenaané kɛlɛ an yuɛ gi; we lé é ’ka an gi nanaan lo, yee lé wa si a va wozé nya.

Jérémi 34:14

Lɛɛ sɔrafié giéle zuo, ka faa do do, ka bwe Ébrunu lé wo wobo dan ka lee, ’ka wo vo wobo ma. ’Wo nyanama pa i va lɛɛ suiɛdo, ’bɛ zuo yé bé si ilé kɔn ’léé, yé ’é vo ébo ma. Naa, ka tranu ’ka wo tɔné dɔ lɛ an dére lɛ lo, wo ’ka an ban lɛ wo tɔné nya lilo.

Ézékiɛl 2:3

É lé an lɛ léé: Blami be, maa i pa zia Izraɛl munu lé woo bɔrɔ vɔɔan an nwiin, ’té woo nwaan an ma, wo va. Wo valé wo tinu, wo wenyané kɛlɛ an ma fɔɔ kyɔ yi ’ko nya.

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

Mi Nɔnɔle 22:20

Bale da Balaam va é béli, yé é lé a lɛ léé: Fɛan zo lé munu ’ko da i laa lɛ, ’i nwa, ’ka go wo nya, naa, we lé maa dan a fe lɛ i lɛ, ’i yee ɛ kɛlɛ.

Matio 10:40

Mian éé ka sié, éé mabozen sié é ziin, yé mian éé maa sié, mi lé é an pa zia, éé ’bɛzan sié é ziin.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LÉ LUK A GYE (Évangile selon Luc) 19:14

A za a élé tɛrɛlamunu gi, amalé dé é go faa wo munu nwunvɔ a zuo a fele we gi léé: Mi ’ko plale ko nwiin ’ka sɔ lɛ ko lɛ lo.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LE JAN A GYE (Évangile selon Jean) 13:16

Maa fe ka lɛ kyɔ webozen nya, miwuozan ’ka minié ézan lɛ lo, yé nwunvɔzan ’ka minié é paziazan lɛ lo.

Weblezannu 8:23

Jédéɔn lé wo lɛ léé: Maa ’ka dan pla lɛ ka nwiin lo, yé an benu ’ka dan pla lɛ ka nwiin lo; Gakelebale ɛ dan pla lɛ ka nwiin.

1 Samuɛl 10:19

Yé kyɔ, ka a sɔn vɔna kalé Bale lé é ka si kalé nyanéblele faa valé kalé kleblele faa lee, a ma, yé ka lé a lɛ léé, ’i ’wo nwiinzan dɔ. Sin, ’ka da Gakelebale ’lɛ ka bɛn ma bɛn ma, mi wuru soru soru.

1 Samuɛl 12:1

Samuɛl lé Izraɛl faa lɛ léé: Bé ye, we faa lé ka a fe an lɛ, maa an tɔné dɔ ka lɛ yé maa ka nwiinzan blɛn dɔ.

1 Samuɛl 12:12

’Bɛ zuo, ka a ye léé, Amɔnnu minwiinzan Nakas da ka ma yé ka lé an lɛ léé: Gba, naa, mi do é dan pla lɛ ko nwiin, dɔlé ’té Gakelebale, kalé Bale a ka nwiinzan nya.

1 Samuɛl 8:22

Gakelebale lé Samuɛl lɛ léé: ’I tɔné dɔ wo lɛ, ’i wo nwiinzan blɛn dɔ. Yé Samuɛl lé Izraɛl munu lɛ léé: ’Ka go kalé flanu ta.

1 Samuɛl 8:8

Wa we kɛlɛna i vazia bélé fɛan zo lé woo we kɛla yifaama, a zo, é sia anlé wo sile Éjipiti tɛrɛ la ma, fɔɔ yi ’ko nya, wo an vo, yé wo bale bɛnu bɔ.