1 Samuɛl 8:3 - Kazambale lé Sebe Sauunu 1979

³ Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.

1 Samuɛl 8:3 ပူးပေါင်းရင်းမြစ်များ

2 Samuɛl 15:4

Abusalɔm a fé léé: Dé é vo léé, maa a weblezan nya, ’té dé we vɔ munu méléna, dé wolé we blele ana, ’té maa dan kɔɔn wolé we ble lɛ tegele.

Lɛrɛvɔ Sɛbɛ 15:5

Alé gɔɔli lé wa drɔn gyɛ a lee, a ma we ’ka a taa gi pelo, Yé gɔɔli lé wo we dɔ a nya weanwiinlo munu nwiin, é ’ka ’bɛ blɛ ’ko sile nyi sié pelo. Mian éé we kɛla ’bɛ zo, é ’ka dan dia lɛ monomono lo.

Lɛrɛvɔ Sɛbɛ 26:10

Wo bɛnu a wenyané blɛn kɛlɛbɛnu nya, ’Té wo bɛyi a é fanle blɛfɛ nyanénu nya.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 23:6

Dé wa nyanégyɛzan lé we blena, té i izé fe we tegele gi sɛrɛle we ma lo.

Fwile 23:8

Té i blɛ si lo; naa, blɛfɛnu sile éé yuɛ fuozan yuɛ ’wiié, yé éé mi tegelenu dére sɛra.

Bale Lé We Gifezan 2:19

Dé an pagizan éé kɛla wedɔɔzan nyaa? ɛɛ, dé éé kɛla tavozan nyaa? de ɛ ’bɛ gi dɔɔ? Duowo, an panyanama faa valé anlé wedɔɔle tɔnɔ faa lé ke tɛrɛ ’ko la ’ko, é dan kɛlɛ lɛ wozan nya. Yé ’bɛ a é ziin boawe do nya.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Samuɛl 12:2

Yé sin, ka nwiinzan blɛn lé é dan tawo lɛ ka ’lɛ, yee lo. Dé é a maa nya, maa a é kwa yé an nwana fuola yé an benu a ka va; maa tawo ka ’lɛ, é sia an kiéné bléyi va fɔɔ kyɔ yi nya.

1 Samuɛl 2:35

Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.