1 Samuɛl 7:6 - Kazambale lé Sebe Sauunu 1979

⁶ Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.

1 Samuɛl 7:6 ပူးပေါင်းရင်းမြစ်များ

Wepélisiananu 31:49

Laban léma: Dé ko ’ka ko ke sɔnɔ lo, Gakelebale ’é yuɛ pa maa valé bii ta ma, amalé wa tɔ pa é ziin Misipa.

2 Samuɛl 14:14

Ko faa é dan ga lɛ webozen nya, yé ko a bélé ’yi lé wa zana tɛrɛ va yé wo ’ka bɔa a siale lɛ é ziin lo, a zo. Bale ’ka mi lé tɛrɛla nyaan lo, yé éé we kɛla fɔɔ yé vɔfliizan ’é da a va é pa gi.

1 Minwiinzannu 8:47

dé wo ’wuo dɔ ’wo ta é ziin wolé luu tɛrɛ la, dé wo da i va é ziin yé wo zanté vɔ i lɛ wo kunmunu lé tɛrɛ la, yé wo léé: Ko wenyané kɛlɛ, ko weple kɛlɛ, ko wenaané kɛlɛ,

Minwiinzannu lé Wezuofe Sɛbɛ 11:18

Yé mi yaa ’ko gié Filisitinu lé sɔkɔnnu méléna, yé wo ’yi tɔ ’yiguru lé ke Bɛtléɛm fla zi gɔrɔ ’léé, a gi. Wo da a nya yé wa nɔ David lɛ, naa, David ’ka a nyi si lɛ léé, é a mini lo, amalé é a zana Gakelebale ’lɛ.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Néémi 9:27

Yé i wo vo wo nyanézannu lee, ’té ’bɛnu éé yaan wo ta. Naa, wolé kle ble bléyi va, wo siaa i lɛ, yé bii, i wolé siaalenu ’ma i nyanana la gi loru. Yé ilé nyanai zénle blɛn gi i wo tawe kɛlɛzannu nɔ wo lɛ yé ’bɛnu wo si wo nyanézannu lee.

JOB (Job) 16:20

An béénu éé zana gya an ma; Kazambale ma lé maa zanté vɔa wuvɔle nya.

JOB (Job) 3:24

Anlé bamaflinle a anlé fɛblele nya, Yé anlé siaale éé bɔraan fɛfaana.

JOB (Job) 33:27

Éé lɛrɛ vɔa munu yuɛ va léé, An wenyané kɛlɛ, an we tegele sɛrɛ, Yé Bale ’ka we lɛdɔ lɛ an gi an saanle yɛrama lo;

JOB (Job) 40:4

I bɛ a bélé Kazambale zé zoo? I dére a blɛn bélé azé zoo?

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Lɛrɛvɔ Sɛbɛ 42:3

Bale, Bale yuɛmale, i lɔrɔ an boen gya. Mɛ yi la léé, maa dan go lɛ yé maa Bale yara yee?

Lɛrɛvɔ Sɛbɛ 6:6

Naa, mian é ga, i sele ’ka a gi é dɛrɛ lo; De ɛ dan i tɔ zin fe lɛ migalenu nyananaa?

Lɛrɛvɔ Sɛbɛ 62:8

Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

Jérémi 31:19

An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Jérémi 36:9

Juda munu nwiinzan blɛn Jozias be Jojakim plale mi nwiin lɛɛ soruzan nya, a moné sɔraziɛnzan nya, wa zana dɔɔ léé, Jérusalɛm munu faa koo, Juda munu faa lé wo si ’wolé flanu ta yé wo da Jérusalɛm, wo koo, ’wo lɔrɔ sɔn Gakelebale lɛ.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi Lé Wuvɔ Sɛbɛ 2:11

An yuɛyi kiɛre zénle we ma an yuɛ fuu si é ta, a bli ’ka é male an gi lo; An gi nyɛ kini Dunu zénmitawe lé é bɔ anlé munu ma, alé we ma. Nunukénénénu valé nyɔmanénu fuu si wo ta flaworo dii zinu ta.

Jérémi Lé Wuvɔ Sɛbɛ 3:49

An yuɛyi éé zén‐é yifaama, ’té é ’ka kinié lo, ’Té é ’ka bélié lo,

Jérémi Lé Wuvɔ Sɛbɛ 5:16

Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

Ézékiɛl 20:4

Blami be, é sɔ i lɛ léé, i wolé we blee? Iin? É sɔ i lɛ léé, i wolé we blee? ’I wo tinu lé bozowenu nagɔɔn wo lɛ.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Lévinu 16:29

Kalé bélidɔwe do lé a glɛ ’ka lo, yee lé ke ’ko: Moné sɔrafié lé yi vuzan nya, ka dan kabo kɛlɛ lɛ kiéné; té ka nyanama do kpen pa lo, flazan koo, bɛn bɛ mi lé éé nyanaan ka va koo, té wo nyanama pa lo.

Lévinu 26:40

Wolé weplenu valé wo tranu lé weplenu koo, anlé bélidɔwe sɛrɛlenu koo, wo dɔ an ma plɛplɛ fɛan zo koo, wo dan a fe lɛ;

WENÉNÉ LÉ LUK A GYE (Évangile selon Luc) 15:18

An dan nwa lɛ yé an go an ti va, yé maa dan a fe lɛ a lɛ léé: An ti, an wenyané kɛlɛ Bale valé bii lɛ.

Jozué 18:26

Misipé koo, Kéfira koo, Mosa koo,

Weblezannu 10:10

Izraɛl lé nénu siaa Gakelebale lɛ, yé wo léé: Ko wenyané kɛlɛ i ma; ko kozé Bale vo yé ko Baalnu bɔ.

Weblezannu 10:15

Izraɛl lé nénu lé Gakelebale lɛ léé: Ko wenyané kɛlɛ. Fɛan zo lé é sɔ i lɛ, bé kɛlɛ ko lɛ a zo ma. Naa, ilé zanté, ’i ko vo kobo ma kyɔ é pla.

Weblezannu 2:4

Dé Gakelebale lé lanje dére ’konu fe Izraɛl lé munu faa lɛ, munu wo dére nwa yé wo wuvɔ.

Weblezannu 20:23

Yé Izraɛl lé nénu nwa yé wo yiri vɔ wuvɔle nya Gakelebale lɛ; wo we laa Gakelebale lee léé: É a lé an bié an ’lɛ é ziin mi, gulidanle we gi an bwe Bɛnjamɛn vaa? Gakelebale a zi pa léé: ’Ka nwa a ma.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

Weblezannu 3:10

Gakelebale Léli a a ta. É kinin Izraɛl lé weblezan nya, yé é go guli dan lɛ. Gakelebale Mézopotami nwiinzan Kusan‐Riséataim pa a lee, yé a bɛ plɛplɛ mini Kusan‐Riséataim lɛ.

1 Samuɛl 1:15

Ane a zi pa léé: Anzan, gba, maa a le lé é ke nyané blena é bli gi, a nya, yé maa ’ka nwɛ valé dɔrɔ mini lɛ lo; naa, maa a an bli gi we faa bɔrɔna Gakelebale lɛ.

1 Samuɛl 10:17

Samuɛl munu zén ékeva Gakelebale ’lɛ Misipa,

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.

1 Samuɛl 7:15

Samuɛl kɛlɛ weblezan nya Izraɛl tɛrɛ la alé tɛrɛla faa gi.