1 Samuɛl 6:9 - Kazambale lé Sebe Sauunu 1979

⁹ ’Ka yuɛ vo a zuo; dé é gié élé tɛrɛ glɛ zi ta Bɛt‐Sémɛs vazia, ’té Gakelebale ɛ we tɔntɔn blɛn ’ko kɛlɛ ko lɛ; dé ’bɛ kaan lo, ko dan a gi dɔɔ lɛ léé, yeean é ko gyɛ lo, ’té we ’ko bɔ ko ma é pla.

1 Samuɛl 6:9 ပူးပေါင်းရင်းမြစ်များ

2 Samuɛl 1:6

Yé pɛniɛ lé é we ’ko zuo fe a lɛ, é a zi pa a lɛ léé: Maa a Gilboa gɔ ma; yé bé ye, Saul tɛnla élé din ta yé é vo sɛ yé goronu valé wisootazannu é bɔ a ma.

1 Minwiinzannu 4:9

Dékɛɛ be a a nya do, Makas koo, Saalbim koo, Bɛt‐Sémɛs koo, Élɔn koo, Bɛt‐Aanan koo, wona.

2 Minwiinmunu lé Wezuofe Sɛbɛ 25:21

Yé Izraɛl nwiinzan blɛn Joas nwa, yé yee valé Juda nwiinzan blɛn Amasia kee, Bɛt‐Sémɛs lé ke Juda tɛrɛ la, ana.

Fwile 8:15

Yé yokɛlɛzannu lé Farɔn lɛ léé: Bale bɛnwɔlɛ lé. Naa, Faraɔn é bli kɛlɛ plɛplɛ yé é ’ka tɔné dɔ lɛ wo lɛ lo, Gakelebale a fe fɛan zo, a zo.

Bale Lé We Gifezan 9:11

Maa ye é ziin tɛrɛ la léé, vlanburuzan baba ’ka bɔraan é vinin vlan za kɛlɛna lo; yé guliwuo ’ka vo nyanazan lɛ lo; wedɔɔzannu ’ka fɛblele yé lo, yé gikinizannu ’ka fua blé lo, yé ’wuoatazan ’ka wezin yé lo; ’bɛ faa éé sié azé bléyi valé a ziwenu va.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

WENÉNÉ LÉ LUK A GYE (Évangile selon Luc) 10:31

Yé é kɛlɛ léé, Balebanzan do zun yee zi duo ’léé; é mi ’ko ye aan wo, é paa a ma.

Jozué 15:10

É si Baala yé é plin yirivɔnazia Séii gɔ vazia, é gié Jéarim gɔ san gi yirinwana bɛbolazia, ’té Jéarim gɔ a Kézalɔn nya, yé é zun Bɛt‐Sémɛs, yé é Timina kini.

Jozué 21:16

Ain valé é zi tɛrɛnu koo, Juta valé é zi tɛrɛnu koo, Bɛt‐Sémɛs valé é zi tɛrɛnu koo, woo lé; fla sɔraziɛn lé wa si bɛn fié ’ko gi.

1 Samuɛl 6:10

Munu ’ko a kɛlɛ a zo. Dirida fié lé wolé né ke nyɔ ma, wo wo si yé wo wo dɔ goro ma yé wo kɔn lɛ tan wolé nénu ta.

1 Samuɛl 6:12

Diridanu Bɛt‐Sémɛs zi sia tegele; wo vo gona yee zi duo ta fɔɔ, ’té woo wé, yé wo ’ka nɔla lɛ bɛ do kpen ta lo. Filisitinu go wo zuo fɔɔ yé wo bɔ Bɛt‐Sémɛs glɛ la.

1 Samuɛl 6:3

’Monédɔmunu lé wo lɛ léé: Dé ka a Izraɛl lé Bale lé kɛsu pana zia, té ka a pa zia é pla lo. Naa, ’ka kalé wenyané ma saraka bo Bale lɛ, yé ka dan béli lɛ, yé wean ma lé é ’ka é bɛ nyané sié ka ta lo, ka dan a gi dɔɔ lɛ.