1 Samuɛl 6:5 - Kazambale lé Sebe Sauunu 1979

⁵ ’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?

1 Samuɛl 6:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:28

Migɔnɔ lelenu, ’ka Gakelebale tɔ zin fe, ’ka a tɔ bɔ. ’Ka kɛlɛ ma.

Minwiinzannu lé Wezuofe Sɛbɛ 16:29

’Ka Gakelebale tɔ bɔ, a tɔ lé we ma, ’Ka da blɛnu nya, yé ’ka da a ’lɛ, Dé mi sauun bɔra a gi, ’ka ’wuo wɔra a gane wuo.

Lɛrɛvɔ Sɛbɛ 18:44

I an sié munu lé zakɛlɛle wuo, I an dɔ bɛnnu nwiinzan nya, Yé migɔnɔ lé maa ’ka wo dɔɔa lo, woo plaan an wuo.

Lɛrɛvɔ Sɛbɛ 32:4

Naa, é béli valé é yiéyi i bɛ a é dɔrale an ta klilii, An fuu si an ta yé an ga bélé yɛrɛ gabléyi va fɛnu zo. Ka ye do.

Lɛrɛvɔ Sɛbɛ 39:10

An voo é tadɔle, maa ’ka an ’léé fuoan lo. Naa, bii ɛ we kɛla.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Fwile 8:17

Dé i ’ka daan lɛ élé munu ma lo, é dan dirimabounu pa lɛ zia, bii koo, i wuozannu koo, ilé munu valé ilé kɔnnu koo, ka ma; dirimabounu é dan fan lɛ Éjipiti munu lé kɔnnu nya, yé wo dan tɛrɛ la sɔɔla lɛ.

Fwile 8:24

Yé Faraɔn léé: Maa dan daan lɛ ka ma, sarakanu bole Gakelebale kalé Bale lɛ we gi nyéné la; naa, dé ka go, té ka go baa lo. ’Ka bazoro an tɔ ma.

Fwile 8:5

Moizi lé Faraɔn lɛ léé: I tɔ kɛlɛ blɛn an nwiin; bii koo, i wuozannu valé ilé munu koo, bléyi kyɛn va lé maa dan zanté vɔ lɛ, bii valé ilé kɔnnu sile yolunu lee we gi, yé wo vo yuu do kpen ɛ vaa?

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 42:12

’Wo Gakelebale tɔ bɔ ma, ’Wo a tɔ zin fele zana dɔɔ wɛyi worona tɛrɛnu ta ma.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Joɛl 2:25

Zalogan koo, nanikpénnɛ koo, yuuwɔlɛnu koo, flɛflɛ koo, Wa anlé sunya gu blɛn lé maa a pa ka ma zia, a nya, Yé féifɛnu lé wa ble lɛɛ kiɛre gi, Maa dan wo lɛgi nɔ lɛ ka lɛ.

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Malasi 2:2

Dé ka ’ka tɔné dɔ lɛ an lɛ lo, dé ka ’ka a pa lɛ ka bli gi léé, ka an tɔ bɔ lo, maa dan bale pa lɛ ka ma, yé fɛ lé ke ka drɔɔvofɛ nya é kyɛn, maa dan bale pa lɛ ’bɛ ma. Iin, maa dan bale pa lɛ wo ma; ka ’ka an dére pa lɛ ka bli gi lo, azama. A zo lé lai sunyanu lé Gakelebale a fe.

Mi Nɔnɔle 33:4

Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.

WENÉNÉ LE JAN A GYE (Évangile selon Jean) 9:24

Mi lé a yuɛnu ke turu é ’wiile, Farizimunu a laa a gɔnɔ fiézan nya yé wo léé: ’I Kazambale tɔ bɔ. Ko gi dɔɔ léé, mi ’ko a wenyanékɛlɛzan nya.

Jozué 7:19

Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.

1 Samuɛl 5:11

Wo munu pa zia Filisitinu lé mi blɛnnu faa laana yé wo zén ékeva yé wo léé: ’Ka Izraɛl lé Bale lé kɛsu pa zia; ’é go é pa gi ma; té ’é ko valé kolé munu gyɛ lo ma. Flamunu faa gi nyɛ blɛn kini; Bale bɛ nyané a wo ta plɛplɛ.

1 Samuɛl 5:9

Naa, wo go a nya ’bɛna aan wo, Gakelebale é bɛ nyané dɔra fla ’ko lamunu ta, yé di kini wo gi; é flamunu gyɛ flanbɔragyɛ nya, nénu valé mi segelenu nya.

1 Samuɛl 6:8

’Ka Gakelebale lé kɛsu si yé ’ka a dɔra goro gi; kyanfɛnu lé ka dan wo nɔ lɛ Gakelebale lɛ bɛ, kalé wenyané ma saraka nya, ’ka wo pa gboné gi yé ’ka a dɔra kɛsu bɛ do la; ’bɛ zuo ka dan a pa lɛ zia yé é dan go lɛ.