1 Samuɛl 6:19 - Kazambale lé Sebe Sauunu 1979

¹⁹ Bɛt‐Sémɛs munu Gakelebale lé kɛsu gi gini yé Gakelebale mi gyɛ wo va mi yɔ yaa wɔlɛ vu. Gakelebale wo gyɛ gyɛ nyané nya amalé munu bli kyɛ dɔ é baba.

1 Samuɛl 6:19 ပူးပေါင်းရင်းမြစ်များ

2 Samuɛl 6:7

Gakelebale bli fli Uza ma yé Bale a gyɛ é nya do a saanle we ma. Uza ga ’bɛna Bale lé kɛsu sɔnɔ.

2 Minwiinmunu lé Wezuofe Sɛbɛ 25:21

Yé Izraɛl nwiinzan blɛn Joas nwa, yé yee valé Juda nwiinzan blɛn Amasia kee, Bɛt‐Sémɛs lé ke Juda tɛrɛ la, ana.

Fwile 19:21

Gakelebale lé Moizi lɛ léé: ’I zun, bé fe munu lɛ léé, té wo glɛ kini Gakelebale naginile we gi lo, dé wo va mi kiɛre é da ga.

Fwile 33:4

Munu dére tɔntɔn ’konu ’ma aan wo, wo bli kyɛ dɔ é baba, yé mi do kpen ’ka é’lɛrɛfɛnu pa lɛ ’é ma yi ’ko nya lo.

Mi Nɔnɔle 1:51

Dé sɔkɔn gobléyi bɔ, Lévimunu a si yé wa po pa; dé sɔkɔn bɔ é dɔna Lévinu a fuo yé wa dɔ, yé dé bɛn bié a ma, é a lé wa gyɛ yé é ga.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 4:18

Té ka Kéat kulunu bɔra gale lɛ lo; dé wo kulu é da ga Lévinu va.

Mi Nɔnɔle 4:20

Dé wo fɛ ’lɛzannu wɔra wo pafɛnu gi bléyian va, té ’wo wɔra ana a naginile we ma lo, dé wo da ga.

Bélidɔwesɛbɛ Fiézan 29:29

Weyɔɔlenu a Gakelebale, kolé Bale zé nya; wenagɔɔnlenu a ko valé kolé nénu zé nya, yifaama, léé, ko tawo bélidɔwe ’konu faa ta.

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?