1 Samuɛl 6:17 - Kazambale lé Sebe Sauunu 1979

¹⁷ Kyanflanbɔra gyɛ foto lé Filisitinu a nɔ Gakelebale lɛ wenyané ma ban nya, wo lo: Azdɔd zé a do, Gaza zé a do, Azkalɔn zé a do, Gat zé a do, Ékrɔn zé a do.

1 Samuɛl 6:17 ပူးပေါင်းရင်းမြစ်များ

2 Samuɛl 1:20

Té ka a fe Gat lo, Té ka we ’ko zuo fe Azkalɔn lé zinu ta lo, Dé Filisitinu lunu gi é da nana, Dé ganedɔlozannu lunu é da mini ko lɛ.

2 Samuɛl 21:22

Mi ziɛn ’ko wa Rafa lé nénu nya Gat. Wo zamaga wo David valé é wuomunu lee.

2 Minwiinzannu 1:2

Akazia a ’élé kɔn nwiin kɔn gi Samari yé é dia fɛnɛti ta, yé é gyɛ kɛlɛ. É munu nwunvɔ yé é lé wo lɛ léé: ’Ka go, ’ka we laa Ékrɔn lé bale Baal‐Zébub lee, a gi dɔɔle we gi léé, dé an dan nwa lɛ gyɛ ’ko gii?

2 Minwiinmunu lé Wezuofe Sɛbɛ 26:6

É kun gulidanle ma Filisitinu va; Gat koo, Jabiné koo, Azdɔd koo, é wolé fla zi gɔrɔnu zana a gi. Yé é flanu pa Azdɔd tɛrɛ la, yee valé Filisitinu va.

Jérémi 25:20

Arabi munu faa, Usi tɛrɛ nwiinzan blɛnnu faa, Filisiti tɛrɛ nwiinzan blɛnnu faa, Azkalɔn, Gaza, Ékrɔn, wooan wo vo Azdɔd zé nya;

Lévinu 5:7

Dé ’blada valé bolida mafɛ ’ka a lee lo, é dan wenyaa saraka bo lɛ Gakelebale lɛ plala fié nya, dé ’bɛ kaan lo, ’é a bo plawuo sua fié nya, a do a wenyané ’yibofɛ nya yé a do a balebanwi lé wa kyɛ blé, a nya.

Amɔs 1:6

Gakelebale léma: Gaza munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo mi ’léé kiɛre kɛlɛ luu nya yé wo wo pa Édom munu lee, azama.

Amɔs 6:2

Ka go Kalné yé ’ka nagini; ’ka si ’bɛna yé ’ka go fla blɛn Amat la; ’ka go tɛrɛ zia Gat, Filisiti tɛrɛ la. Fla ’konu vɔle a ma mini kalé tɛrɛ fié ’ko, wo lɛɛ? Wolé tɛrɛ blɛn mini kazé lɛɛ?

Bélidɔwesɛbɛ Fiézan 28:27

Éjipiti tɛrɛ lé manɔn koo, flanboragyɛ koo, kwɛɛkwɛ koo, koro koo, Gakelebale é dan ka gyɛ lɛ wo nya yé ka ’ka bɔa bélile lɛ lo.

Weblezannu 1:18

Gaza valé é zi tɛrɛ koo, Azkalɔn valé é zi tɛrɛ koo, Ékrɔn valé é zi tɛrɛ koo, Judanu wo si.

Weblezannu 14:19

Gakelebale Léli a kun yé é go tɛrɛ zia Azkalɔn. É mi yɔ do wɔlɛ vu gyɛ ana yé é wo poro yé é wolé sɔnu nɔ munu lé wo alé tɔraléé gi fe, wo lɛ. A bli fli, yé é go loru é ti lé kɔn ’léé.

Weblezannu 16:1

Samsɔn go Gaza; é bɔrɔdɛ le do ye ana, yé é wɔra a va.

Weblezannu 16:21

Filisitinu a kun yé wa yuɛwɔlɛ si a gi; wo go a nya Gaza yé wa yere zénégɔgɔbale nya. Éé fɛ zɔn‐o bokɔn gi.

1 Samuɛl 5:1

Filisitinu Bale lé kɛsu si Éban‐Ézɛɛ yé wo go a nya Azdɔd.

1 Samuɛl 5:10

Yé wo Bale lé kɛsu pa zia Ékrɔn. Bale lé kɛsu bɔra Ékrɔn tɔɔn, Ékrɔn munu siaa léé: Wo da Izraɛl lé Bale lé kɛsu nya ko va, ko valé kolé munu gyɛle we gi.

1 Samuɛl 5:8

Wo munu nwunvɔ Filisitinu lé mi blɛnnu faa laana yé wo zén ékeva yé wo léé: Ko dan kɛlɛ lɛ kaa Izraɛl lé Bale lé kɛsu nyaa? Mi blɛnnu a zi pa léé: ’Wo go Izraɛl lé Bale lé kɛsu nya Gat ma. Yé wo go ’bɛna Izraɛl lé Bale lé kɛsu nya.

1 Samuɛl 6:4

Filisitinu léé: Saraka kaa lé ko a bo a lɛɛ? Wa zi pa léé: Kyanflanbɔra gyɛ foto soru valé kyan’moné foto soru lé, Filisiti nwiinzannu ’léé yɛrama, naa, gyɛ nyané duo ɛ ke ka faa valé ka nwiinmunu ma.