1 Samuɛl 6:14 - Kazambale lé Sebe Sauunu 1979

¹⁴ Goro bɔ Bɛt‐Sémɛs mi Jozué lé féi yé é dɔ ’bɛna. Gɔlɛ blɛn do ana mi. Wo goroyili fén gyɛ yé wo diridanu kyɛ ble Gakelebale lɛ, balebanwi lé wa kyɛ blé, a nya.

1 Samuɛl 6:14 ပူးပေါင်းရင်းမြစ်များ

2 Samuɛl 24:18

’Bɛ yi la, Gad da David va yé é lé a lɛ léé: ’I go, ’i Gakelebale banna kɛlɛ Jébus mi Aravana lé ’sa sunwona.

2 Samuɛl 24:22

Aravana lé David lɛ léé: Anzan minwiinzan ’é ’sa sunwona si ma, yé dé sarakaoo saraka‐an sɔ a lɛ, ’é a bo ana ma; bé ye, dirigɔnénu a balebanwi lé wa kyɛ blé, a nya yé goronu valé wo ganafɛ valé dirigɔnénu bɔrɔmayili a kyɛ nya.

2 Samuɛl 24:25

David Gakelebale banna kɛlɛ yé é balebanwi kyɛ ble a ta yé é bɔvɔ sarakanu bo a ta. Yé Gakelebale bli dɔrala tɛrɛ ma yé é migyɛgyɛ si Izraɛl.

1 Minwiinzannu 19:21

Élizé si Éli va yé é dirigɔné fié si yé é Bale ban a nya; é wolé fɛganayili kɛlɛ kyɛ nya yé é wo dɔne yé é a dɔra munu ma. ’Bɛ zuo é nwa, yé é go Éli zuo yé é nyanama pa a lɛ.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Weblezannu 21:4

’Bɛ é tu kini munu nwa bladi tutu; wo balebanna do dɔ yé wo winu kyɛ ble a ta yé wo bɔvɔ sarakanu bo.

Weblezannu 6:26

’Bɛ zuo, ’i Gakelebale, izé Bale banna kɛlɛ gɔlɛ ’ko ta loru. Yé miyili lé bé sɛrɛ bɛ, bé kyɛ sɔɔn, yé ’i dirigɔné fiézan si, yé bé nɔ wi lé wa kyɛ blé, a nya, a ta.

1 Samuɛl 11:5

Yé bé ye, Saul valé élé dirigɔnénu si féi, ’té é a wo zuo, yé é léé: Mɛ ɛ kɛlɛ munu lɛ yé woo wuvɔaa? We lé Jabɛs munu a fe, wa zuo fe a lɛ.

1 Samuɛl 20:29

É léé: Ilé zanté, ’i zi nɔ an lɛ. Wa ko gɔnɔla saraka bona fla yé an bwe we pa an lɛ zia, amalé dé maa i yuɛi bɔ, ’i zi nɔ an lɛ léé, ’an go an bwenu va é kele. Bɛwemalé é ’ka da lɛ minwiinzan lé tablé zi lo.

1 Samuɛl 6:13

Bɛt‐Sémɛs munu a buruwɔlɛ gyɛna gɔ worona; wo yuɛ nwa yé wo kɛsu ye yé wo gi nana.

1 Samuɛl 6:18

Kyan’moné fotonu ana é ziin Filisitinu lé flanu faa lé wo ke é plale ’wo nwiinmunu soru wuo, wo ’léé yɛrama; flagɔrɔ plɛplɛzannu valé flanénu lé wo zi gɔrɔ ’ka lo, wo ’léé yɛrama. Gɔlɛ blɛn lé, wo Gakelebale lé kɛsu dɔra a ta, é ana tan kyɔ Bɛt‐Sémɛs mi Jozué lé féi; yee ɛ ke we ’ko seledɔmigifɛ nya.