1 Samuɛl 31:4 - Kazambale lé Sebe Sauunu 1979

⁴ Yé Saul lé élé gulidanfɛnu kɔné sizan lɛ léé: ’Ilé gwɔun si é kɔlɛ gi yé ’i an fɔn a nya, dé ganedɔlomunu ’ko é da maa fɔn yé wo we nana an ma. Kana zén alé gulidanfɛnu kɔnésizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.

1 Samuɛl 31:4 ပူးပေါင်းရင်းမြစ်များ

2 Samuɛl 1:1

Saul gale zuo, ’té dé David nyaa Amalɛknu gyɛle nya guli nya, é yi fié kɛlɛ Siklag.

2 Samuɛl 1:14

David lé a lɛ léé: Mɛmalé i ’ka kana lɛ i bɛ nwale ma Gakelebale lé nyɔnɔzénnwiinzan ma lo, yé bé gyɛɛ?

2 Samuɛl 1:20

Té ka a fe Gat lo, Té ka we ’ko zuo fe Azkalɔn lé zinu ta lo, Dé Filisitinu lunu gi é da nana, Dé ganedɔlozannu lunu é da mini ko lɛ.

2 Samuɛl 1:6

Yé pɛniɛ lé é we ’ko zuo fe a lɛ, é a zi pa a lɛ léé: Maa a Gilboa gɔ ma; yé bé ye, Saul tɛnla élé din ta yé é vo sɛ yé goronu valé wisootazannu é bɔ a ma.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

2 Samuɛl 21:12

Yé David go Saul valé é be Jonatan wɔlɛnu si lɛ Jabɛs munu lee Galaad, ’té wo wo si Bɛt‐San, fɛana lé Filisitinu wo dun bléyian va lé wo Saul kele Gilboa bɛ, ana.

1 Minwiinzannu 16:18

Zimri a ye aan wo léé, wo fla si, é go minwiinzan blɛn lé kɔn gi guliyɔɔkɔn gi yé é minwiinzan lé kɔn kyɛ vɔ ébo la.

1 Minwiinzannu 16:27

Omri kɛlɛwe pɔnénu koo, we lé é a kɛlɛ, é valé we blɛnblɛnnu lé é a kɛlɛ koo, é a é gyɛle Izraɛl nwiinzan blɛnnu lé we zuo fe sɛbɛ gi.

Minwiinzannu lé Wezuofe Sɛbɛ 10:4

Yé Saul lé élé gulidanfɛnu kɔné sizan lɛ léé: ’Ilé gwɔun so é kɔlɛ gi yé ’i an fɔn a nya, dé ganedɔlomunu ’ko é da an fɔn yé wo we nana an ma. Kana zén alé gulidanfɛnu kɔné sizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.

Weblezannu 14:3

A ti valé a bu lé a lɛ léé: Le do kpen ’ka i bwenu lunu valé kolé munu faa méléna lo yé i go le si lɛ Filisitinu lé, wo gane ’ka é dɔle lo, wo vaa? Yé Samsɔn lé é ti lɛ léé: Bé bo an lɛ, naa, é sɔ an lɛ é baba.

Weblezannu 9:54

Tɔɔn, pɛniɛ lé é alé gulidanfɛnu kɔné sié, é a laa, yé é lé a lɛ léé: ’Ilé gwɔun so a gi, yé ’i an gyɛ, dé wo da fe an ma léé, lezan ɛ gyɛ. Pɛniɛ a fɔn yé é ga.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 26:10

Yé David léé: Gakelebale a é yuɛma. A gyɛle a Gakelebale do kpen ɛ lee, dé azé yi ɛ bɔ yé é gaoo, dé é go guli dan lɛ yé é zamaga wooo, ’té yee lé.

1 Samuɛl 31:5

Alé gulidanfɛnu kɔnésizan Saul ye aan wo é gale, ébo vɔ élé gwɔun ’léé yé wo fiénu ga ékeva.